सामाजिकतेचा स्पर्श आणि जनतेविषयी असलेली बांधीलकी याचा सुरेख संगम म्हणजेच " शामकांत रघुनाथ सनेर "

शिंदखेडा प्रतिनिधी :- विधानसभेच्या निवडणुकीत आता प्रचाराला रंग चढू लागला आहे आरोप,प्रत्यारोप च्या फैरी झाडल्या जात असतांना ढोलताशांच्या गजरात उमेदवारांच्या मिरवणूका गावागावात काढल्या जात आहे प्रचारात सहभागी होण्यासाठी बेरोजगारांना रोजगार आणि महिलांना काम मिळू लागले आहे यंदा  रोजगारांची दिवाळी आणि उमेदवारांची दिवाळे एकाचवेळी साजरी होतांना आपण पहात आहोत, निवडणुकीच्या प्रचाराच्या धामधुमीत एकीकडे उमेदवारांच्या भूतकाळाची उजाळणी आणि ओवाळणी एकाच वेळी होतांना एकमेकांवर शब्दांची उधळण करत उमेदवार आपल्या मतांची बेगमी करतानाचे चित्र निर्माण झाले आहे,

धुळे जिल्ह्यातील शिंदखेडा विधानसभेच्या निवडणुकीत याचा अनुभव मतदारांना पहावयास मिळतोय, शिंदखेडा मतदारसंघात महायुतीचे जयकुमार रावल,महाविकास आघाडी चे संदीप बेडसे आणि काँग्रेसचे बंडखोर उमेदवार शाम सनेर यांच्यात होत असलेल्या संघर्षाच्या कथा रंगवताना गांवकरी गांव चावडीवर दिसत आहेत, शिंदखेडा विधानसभेच्या निवडणुकीत कोणाचे खोके, तर कोणाचे झेंडे, तर कोणाचे भोंगें अशी चुरशीची तिरंगी लढत वेगळ्या वळणार येत वातावरण तापत असल्याची चिन्हे दिसू लागली आहेत,शाम सनेर यांची कोणतीच राजकीय पार्श्वभूमी पाठीशी नसतांना किंवा शाम सनेर हे तीन पिढ्यांचे राजकीय वारसदार ही नाहीत, शाम सनेर जनतेचे वारसदार म्हणून राजकीय क्षितीजावर चमकणारे तारे आहेत, शाम सनेरांचा जन्म ना गढी वर झाला, ना माढी वर झाला शाम सनेरांचा जन्म सामान्य कुटुंबात झाला आणि संघर्ष योध्दा म्हणून त्यांची " ओळख " झाली ! शिंदखेडा तालुक्यांत अतिवृष्टी, गारपीट ने शेतातील पिकांचे झालेल्या नुकसानीची पाहणी करण्यासाठी शेतकऱ्यांच्या बांधावर भल्या पहाटे सर्व प्रथम पोहचणारे शिंदखेडा विधानसभेचे शाम सनेर एकमेव उमेदवार आहेत,शाम सनेरांनी युवक बिरादरी सामाजिक संघटनेत समाजसेवेची बांधिलकी जपत काँग्रेस सेवादलाच्या माध्यमातून राजकारणाच्या मैदानात उतरले, नंतरच्या काळात शाम सनेरांनी युवक काँग्रेसचे अध्यक्ष पदाच्या कार्यकाळात चमकदार कामगिरी केल्याबद्दल अगदी कमी वयात काँग्रेस ने शाम सनेरांवर  जिल्हा काँग्रेस कमिटीचे अध्यक्ष पदाची जबाबदारी सोपवली, काँग्रेस पक्षाची डागडुजी आणि उभारणी करतांना अनेक अडथळे पार करत आलेल्या विपरीत परिस्थितीशी तोंड देत, ना डगमगता आपलं अध्यक्ष पद शाम सनेरांना सिध्द करावे लागले, शिंदखेडा तालुक्यातील शेतकरी शेतमजूरांचे प्रश्न सरकार दरबारी भांडून अवकाळी पाऊस अणि अतीवृष्टीने झालेल्या पिकांचे नुकसान भरपाईचे, सरकार शी भांडून पिक विम्याचे पैसे शेतकऱ्यांना मिळवून दिलेत, शाम सनेरांचा शेतकऱ्यांच्या प्रश्नांसाठी सरकारशी असलेला संघर्ष सुरुच आहे,तो संपलेला नाही ,शेतकरी शेतमजूरांचे आणि तरुण, आबालवृद्धांच्या प्रश्नां साठी मुख्यमंत्र्यांची, मंत्री यांच्या गाड्या अडवतांना सरकारी पोलीस अधिकाऱ्यांशी हुज्जत घालतांना शाम सनेरांना आपण अनेकवेळा पाहिले असेल, जनतेच्या प्रश्नांना वाचा फोडण्यासाठी प्रसंगी शाम सनेरांनी रस्त्यावर उतरून आदोलने केली आहेत, सामाजिकतेचा स्पर्श आणि जनतेविषयी असलेली बांधीलकी याचा सुरेख संगम म्हणजेच " शामकांत रघुनाथ सनेर " आपली उमेदीची ३५वर्ष शाम सनेरांनी जनतेच्या प्रश्नांना वाचा फोडण्यासाठी घालविली, कधी जनतेच्या पाठीशी तर कधी जनता शाम सनेरांच्या पाठीशी असा ३५ वर्षाचा पाठशिवणीचा प्रवास न थकता न थांबता ,ऊन पाऊस वारा अंगावर घेत अखंडपणे चालूच आहे.

युवक बिरादरी च्या सामाजिक संघटने चा वारसा आणि काँग्रेस सेवादलाची शिकवण यांच्या माध्यमातून शाम सनेरांचा राजकीय प्रवास जनतेच्या सेवेसाठी अहोरात्र सुरू असतांनाच आपण केलेल्या कार्याचे मोजमाप आजमावण्यासाठी शाम सनेर शिंदखेडा विधानसभेच्या निवडणुकीत "रिक्शा" हे चिन्ह घेऊन मैदानात उतरले आहेत, शिंदखेडा या आपल्या कर्म भूमीच्या ग्राउंड वर विजयाचा षटकार ठोकण्यासाठी शाम सनेर सज्ज झाले आहेत, शेतकऱ्यांच्या बांधावर भल्या पहाटे जाऊन पोचणारे शाम सनेर शिंदखेडा विधानसभेच्या निवडणुकीतील एकमेव उमेदवार आहेत, शिंदखेडा तालुक्यातील जनतेचे शाम सनेर सालदार, आणि चौकीदार आहेच,पण शाम सनेर शिंदखेडा विधानसभेचे उमेदवार सुध्दा आहेत, शाम सनेरांना जनतेने कामाच्या रुपाने स्विकारले आहेच पण रिक्शा या चिन्हावर २०तारीखेच्या मुहूर्तावर शिक्का मारुन विधिमंडळात शिंदखेडा तालुक्याचे आमदार म्हणून ही जनतेला पहावयाचे आहे त्या साठी जनता सज्ज झाली आहे!!