रात्री १२ वाजेच्या सुमारास तिला प्रसूती कळा येऊ लागल्याने ती वाहनाने जात असताना अचानक राजहंस चौकात तिला अधिक त्रास होऊ लागला म्हणून गाडी थांबवून ती खाली उतरली आणि रस्त्याच्या बाजूला जाताच ती प्रसूत झाली अन तिला मुलगा झाला. तिला तातडीने प्राथमिक उपचार मिळावेत आणि बाळ सुरक्षित रहावे, वातावरणाचा त्याच्यावर परिणाम होऊ नये म्हणून तिला माऊली हॉस्पिटलचे डॉ राहुल काटे यांच्याकडे नेण्यात आले. त्या महिलेला संकल्प फाउंडेशनचे अध्यक्ष पंकज शेटे, संदीप महाजन, धनराज पाटील, जयपाल देसले यांनी वेळीच मदत केल्याने बाळ आणि महिला सुरक्षित आहे. संकल्प फाउंडेशनचे कार्यकर्ते आणि समाजसेवक यांच्या चांगुलपणाचे सर्वांनी कौतुक केले आहे.
कोणत्याही टिप्पण्या नाहीत:
टिप्पणी पोस्ट करा