दिनांक 29/12/2024 रोजी नेरुळ येथे संघटनेची जिल्हास्तरीय बैठक अतिशय खेळीमेळीच्या वातावरणात संपन्न झाली.संघटनेचे अध्यक्ष कॉ डी एल कराड,उपाध्यक्ष कॉ एल आर राव कॉ तुकाराम सोंजे यांच्या मार्गदर्शनाखाली स्थापन झालेल्या संघटनेच्या ठाणे जिल्ह्यातील सभासद यांचे शंका निरसन करण्यात आले. अतिशय तुटपुंज्या वेतनात 2012 पासून आरोग्य मित्र अव्याहत पणे रुग्णसेवा करत आहेत.अगदी कोविड काळात देखील अंगावर दुध पिणाऱ्या बाळाला घरी ठेवून जीवाची पर्वा न करता आमच्या भगिनींनी रुग्णसेवा केली.आज ठाणे जिल्ह्यात योजना राबविणाऱ्या TPA मध्ये बदल होऊन जवळपास अडीच महिन्याचा कालावधी लोटला आहे.जुन्या TPA ने आरोग्य मित्रांची देणी दिलेली नाहीत. नव्याने आलेल्या TPA ने गेल्या दोन महिन्यापासून नियुक्ती पत्र न देता काम करून घेणे सुरु ठेवले आहे.या दोन महिन्यात पूर्ण पगार देखील दिलेला नाही. महाराष्ट्रातील सर्व आरोग्य मित्रांना किमान वेतन कायदा लागू व्हावा, सर्व शासकीय सोयी, सुविधा,लाभ,भत्ते लागू करावेत.TPA बदल झालेल्या जिल्ह्यातील आरोग्य मित्रांना जुन्या TPA ने Gratuity सहित सर्व देणी त्वरित द्यावीत.नव्या TPA ने शक्य तितक्या लवकर नियुक्ती पत्र द्यावेत,गेल्या दोन महिन्याचा पूर्ण पगार द्यावा.अशा सर्व विषयांवर चर्चा झाली.मुख्य कार्यकारी अधिकारी,राज्य आरोग्य हमी सोसायटी यांनी चर्चेसाठी त्वरित वेळ द्यावी असे संघटनेचे म्हणणे आहे.आरोग्य सेवा विस्कळीत होऊ नये म्हणून गेली 12 वर्षे आम्ही आंदोलनाचे हत्यार उपसले नाही,असे उपाध्यक्ष कॉ गणेश शिंदे यांनी सांगितले.येत्या 25/01/2025 पर्यंत मागण्या मान्य न झाल्यास 26 तारखेपासून महाराष्ट्र भर तीव्र आंदोलन छेडण्यात येईल,आणि रुग्णसेवा विस्कळीत झाल्यास याची सर्व जबाबदारी संबंधित TPA आणि शासनाच राहील,असे प्रतिपादन कॉ गणेश शिंदे यांनी केले.सदर बैठकीसाठी उपाध्यक्ष कॉ गणेश शिंदे,राज्य कार्यकारिणी सदस्य कॉ शरद चोरमाले,कॉ अनिकेत मोहिते,रुग्णसेवक श्री विशाल जाधव उपस्थित होते. बैठक यशस्वी होणेसाठी आरोग्य मित्र कॉ लंकेश नवाडे,कॉ दीपिका शिलाहार यांनी प्रयत्न केले.
कोणत्याही टिप्पण्या नाहीत:
टिप्पणी पोस्ट करा