शिरपूर प्रतिनिधी :- शिरपूर शहरातील वरवाडे परिसर सध्या अवैध धंद्यांचे केंद्र बनला आहे. प्रशासनाच्या दुर्लक्षामुळे या भागात कुंटणखाना, दारूचे अड्डे आणि अमली पदार्थांची विक्री सर्रासपणे सुरू आहे.या अवैध व्यवसायांमुळे परिसरातील नागरिक, महिला आणि शाळकरी मुलींना मोठ्या त्रासाला सामोरे जावे लागत आहे.वरवाडे परिसर हा एक शांत आणि निवासी भाग म्हणून ओळखला जातो.परंतु, या अवैध धंद्यांमुळे या भागाची प्रतिमा मलिन होत आहे. कुंटणखान्यामुळे या परिसरातील वातावरण दूषित झाले आहे, तर दारू आणि अमली पदार्थांच्या विक्रीमुळे गुन्हेगारीत वाढ झाली आहे.या भागात सतत वादविवाद आणि मारामारीच्या घटना घडत आहेत, ज्यामुळे नागरिकांमध्ये भीतीचे वातावरण निर्माण झाले आहे.
या परिसरातील महिला आणि शाळकरी मुलींना सर्वाधिक त्रास सहन करावा लागत आहे. बेकायदेशीर व्यवसायांमुळे त्यांना घराबाहेर पडणेही असुरक्षित झाले आहे. पालिकेने या गंभीर समस्येकडे दुर्लक्ष केल्यामुळे नागरिकांमध्ये प्रचंड नाराजी आहे.
या सर्व प्रकारांना कंटाळून वरवाडे परिसरातील नागरिकांनी प्रांत अधिकारी आणि पोलिस प्रशासनाकडे तातडीने कारवाई करण्याची मागणी केली आहे. या अवैध धंद्यांवर त्वरित नियंत्रण न मिळाल्यास आंदोलनाचा इशारा नागरिकांनी दिला आहे.
नागरिकांची कारवाईची अपेक्षा:
वरवाडे परिसरात अवैध कुंटणखाना आणि दारूचे अड्डे सुरू.
अमली पदार्थांची विक्री वाढल्याने गुन्हेगारीत वाढ.महिला आणि शाळकरी मुलींना असुरक्षित वाटत आहे.
पालिकेच्या दुर्लक्षामुळे नागरिकांमध्ये नाराजी.नागरिकांनी उपविभागीय अधिकारी आणि पोलिस प्रशासनाकडे तातडीने कारवाईची मागणी केली.
कारवाई न झाल्यास आंदोलनाचा इशारा.
कोणत्याही टिप्पण्या नाहीत:
टिप्पणी पोस्ट करा