शिरपूर प्रतिनिधी:- क्षत्रिय शिवराणा बहुउद्देशिय संस्थेची लाभार्थ्यांना लाभ देण्याची बिडिओ प्रदीप पवार यांना निवेदनाद्वारे मागणी पंचायत समिती,शिरपूर येथे रोजगार हमी योजनेचे सन २०१६ ते २०२५ पर्यंत ९ वर्षांपासून ४,५०० पेक्षा जास्त अर्ज प्रलंबित असल्याने आज रोजी क्षत्रिय शिवराणा कृषी विज्ञान मंडळ व बहुउद्देशिय संस्था,आढे ता.शिरपूर जि.धुळे या संस्थेचा वतीने गटविकास अधिकारी प्रदीप पवार यांना निवेदन दिले.त्यावेळेस त्यांनी आश्वस्त केले कि,सर्व प्रलंबित अर्ज लवकरच निकाली काढून पात्र लाभार्थी यांना लवकरात लवकर लाभ देण्यात येईल.
पंचायत समिती,शिरपूर येथे एवढे मोठे अर्ज प्रलंबित असणे तालुक्यासाठी धक्कादायक व अशोभनीय बाब आहे.रोजगार हमी योजनेचा वैयक्तिक लाभाचा शेततळे,गांडूळ खत,वैयक्तिक शौचालय,बांधावरील वृक्ष लागवड,
गोठ्याचे व मुत्रखड्डा आणि गव्हाण,
नाडेप कंपोस्ट,कंपोस्ट पीट,वैयक्तिक विहीर,फळबाग लागवड,शेळ्यांसाठी निवारा,कुक्कुटपालन शेड आदी योजनांसाठी तालुक्यातील अल्पभुधारक शेतकरी,भूमिहीन व पात्र लाभार्थी यांनी मोठ्या आशेने पंचायत समिती,शिरपूर अनेक अर्ज दाखल केलेले आहेत.योजनेचा लाभ मिळत नसल्याने अनेक लाभार्थी नाराजी व संताप व्यक्त करीत आहेत.त्या अर्जात ठराव दिलेले ग्रामपंचायत सरपंच यांचा कालावधी संपलेला आहे.
ग्रामसेवक,पशुधनाचा दाखला देणारे पशुधन विकास अधिकारी यांच्या बदल्या झालेल्या आहेत.तसेच ७/१२ उतारा व ८ अ यांचा कालावधी देखील संपलेला आहे.यामुळे अर्जाची स्वीकृती झाल्यास भविष्यात लाभार्थी यांना अनेक अडचणी येणार आहेत.यासाठी संबंधित लाभार्थी यांनी अजून किती वर्ष आपल्या हक्काचा योजनेचा लाभ घेण्यासाठी वाट पाहावी लागणार आहे.
भविष्यात ही योजना बंद झाल्यास पात्र लाभार्थी वंचित राहिल्यास याला जबाबदार कोण असणार? दररोजचा अर्जांचा संख्येत वाढ होत आहे.
याकरिता संस्थेचा वतीने आपणास विनंती करण्यात येते कि,पात्र लाभार्थी यांना लवकरात लवकर लाभ द्यावा.
कोणत्याही टिप्पण्या नाहीत:
टिप्पणी पोस्ट करा