बेटिवद प्रतिनिधी:- शिंदखेडा तालुक्यातील बेटावद गावात मागील दोन दिवसांपासून हलकासा रिमझिम पाऊस पडत होता.मात्र,आज शुक्रवार दि.२७ जून रोजी दुपारी ४.३० वाजेच्या सुमारास पावसाने अचानक जोरदार हजेरी लावली. यामुळे बाजारपेठेत काहीसा गोंधळाचे वातावरण निर्माण झाले.
शुक्रवार हा बेटावदचा आठवडे बाजार असल्यामुळे गावात आठवडे बाजाराच्या ठिकाणी भाजीपाला, किराणा, कपडे व इतर दुकानांची मांडणी सुरू होती. अचानक आलेल्या पावसामुळे विक्रेत्यांची तारांबळ उडाली. काही दुकाने झाकण्यासाठी धावपळ झाली, तर काही ठिकाणी ग्राहकांची गर्दीही ओसरली. या वर्षी बेटावद परिसरातशेतकऱ्यांनी मका लागवडी वर जास्त भर दिला आहे.
पावसामुळे मात्र शेतकऱ्यांमध्ये आनंदाचे वातावरण आहे. या वर्षीचा आतापर्यंतचा सर्वात चांगला पाऊस आज पडल्याने मका व इतर खरीप पिकांसाठी उपयुक्त ठरणार आहे. अनेक शेतकऱ्यांनी मका लागवड सुरू केली असून काहींची पेरणी अद्याप सुरू व्हायची आहे. तर काही ठिकाणी शेतात मशागत व आंतरमशागत सुरू आहे.
पावसामुळे शेतमजुरांनाही कामाची संधी मिळण्याची आशा निर्माण झाली आहे. त्यामुळे शेतकरी व मजूर वर्गात समाधानाचे वातावरण असून बळीराजा सुखावल्याचे चित्र आहे.
कोणत्याही टिप्पण्या नाहीत:
टिप्पणी पोस्ट करा