कावठे (ता. साक्री, जि. धुळे) – दिनांक 2 जून 2025 रोजी मौजे कवठे येथे खरीप हंगाम मोहिमेचा कार्यक्रम उत्साहात पार पडला.या कार्यक्रमात प्रमुख मार्गदर्शक म्हणून तालुका कृषी अधिकारी श्री.योगेश सोनवणे यांनी उपस्थित राहून उपस्थित शेतकऱ्यांना खरीप हंगामातील बीज प्रक्रिया व बियाण्याची उगम क्षमता यावर सखोल मार्गदर्शन केले.
श्री.सोनवणे यांनी सोयाबीन व इतर पिकांची बीज प्रक्रिया प्रत्यक्ष करून दाखवली तसेच उगम क्षमता चाचणीचे प्रात्यक्षिक घेऊन त्याचे महत्त्व शेतकऱ्यांना समजावून सांगितले.
कार्यक्रमाचे नियोजन सहाय्यक कृषी अधिकारी श्री.जितेंद्र पगारे यांनी केले होते.यावेळी सहाय्यक कृषी अधिकारी श्री.राजू बारसे,श्री. कुमार ललित अहिरराव,मंडळ कृषी अधिकारी सौ. दीपमाला बिरारीस,उप कृषी अधिकारी श्री.गोकुळ पवार आदी मान्यवर उपस्थित होते.
गावचे माजी सरपंच श्री.सुभाष काका यांच्यासह गावातील प्रगतशील शेतकरी श्री.जगदीश पवार, श्री. संभाजी लकडू बोरसे,श्री.शांताराम बोरसे, सदाशिव ससले,भटू बोरसे,दुर्गेश बोरसे,नंदू अहिरे, श्री. राजेंद्र निंबा सावळे यांचीही या कार्यक्रमास उपस्थिती लाभली.
या उपक्रमामुळे खरीप हंगामासाठी शेतकऱ्यांमध्ये जागरूकता निर्माण झाली असून बीज प्रक्रिया व उगम क्षमता चाचणीच्या महत्त्वाची जाणीवही झाली.
कोणत्याही टिप्पण्‍या नाहीत:
टिप्पणी पोस्ट करा