बेटावद प्रतिनिधी (ता. शिंदखेडा) – गावातील स्टेट बँक ऑफ इंडिया (SBI) चा एकमेव एटीएम मशीन गेले एक महिना पासून पूर्णपणे बंद अवस्थेत आहे. परिणामी, स्थानिक नागरिकांना रोज चे आर्थिक व्यवहार, रोख रक्कम काढणे, पेन्शन काढणे यासाठी प्रचंड अडचणींना सामोरे जावे लागत आहे.
विशेष म्हणजे, गावात SBI व्यतिरिक्त कोणत्याही दुसऱ्या बँकेचे एटीएम केंद्र उपलब्ध नाही. त्यामुळे सध्या संपूर्ण गाव एटीएमविना अडकलं आहे. रोख रक्कमेसाठी नागरिकांना नरडाणा सारख्या ठिकाणी जावे लागत आहे
त्याचप्रमाणे गावात असलेले SBI चे एकमेव ग्राहक सेवा केंद्र (CSP) सुद्धा नेहमीच कनेक्टिव्हिटीच्या समस्येमुळे बंद असते. केंद्रावर ‘तांत्रिक कारणास्तव सेवा बंद’ असा फलक कायम झळकत असतो, त्यामुळे तेथून देखील कोणतीही सेवा मिळत नाही.
ग्रामस्थांची मागणी
ग्रामस्थांनी या समस्येकडे तातडीने लक्ष देत, SBI बँकेच्या अधिकाऱ्यांनी लवकरात लवकर एटीएम सुरु करावे, CSP केंद्राची तांत्रिक अडचण दूर करावी आणि भविष्यात अशा अडचणी येऊ नयेत यासाठी बेटावदमध्ये दुसऱ्या बँकांचे एटीएम देखील सुरू करावेत, अशी मागणी ग्रामस्थानी केली.
कोणत्याही टिप्पण्या नाहीत:
टिप्पणी पोस्ट करा