तरुण गर्जना वृत्तपत्र

वनविभागाची गुप्त बातमी वरुन साठवून ठेवलेला मका पिकातील 55 ते 60 लाखाचा सुका गांजा मुद्देमाल जप्त

आज दि.८/०४/२०२५ रोजी सांगवी वनविभागातील परिमंडळ खंबाळा नियतक्षेत्र अंबा येथे कक्ष क्र.८३३ मध्ये नेहमीप्रमाणे श्री. पवन राजाराम पावरा, वनरक्षक गस्त करीत असतांना प्रलंबित वनदावा क्षेत्र मध्ये मका, ज्वारी, बाजरीच्या मिश्र उभ्या पिकात संशय आलेवरुन त्या ठिकाणी पाहणी केली असतांना त्यांना सुकवलेला गांजा गोण्या व निळे प्लॉस्टिक ड्रम, पत्र्याची कोठी व कापडात बांधलेले गासोडे आढळून आले सदरची माहिती वनविभागाचे वरिष्ठ अधिकारी उपवनसंरक्षक श्री नितीन सिंग यांना देण्यात आली. त्यांनी मा.श्री श्रीकांत धिवरे, पोलीस अधिक्षक यांना माहिती दिली. त्यांचे आदेशाने श्री. राहुल घरटे, सहा. वनसंरक्षक शिरपूर यांनी पोलीस स्टेशन सांगवी येथे गुप्त बातमी बाबत पत्रव्यवहार केला. पोलीस निरिक्षक श्री. जयपाल हिरे पोलीस स्टेशन सांगवी, पोलीस उपनिरिक्षक श्री. वसावे, व कर्मचाऱ्यांसह तसेच वनविभागचे अधिकारी/कर्मचारी यांचेसह बातमीची खात्री करण्याकामी संयुक्त कारवाई करण्याकामी घटनास्थळी रवाना झाले. सदर जागेवर जाऊन पाहणी केली असता सदर ठिकाणी सुकलेला अंमली पदार्थ गांजा मुद्देमाल साठवण करुन ठेवलेला आढळुन आला. सदर मुद्देमाल अदमासे ११०० किलो असुन जप्त करुन पोलीस स्टेशन सांगवी येथे आणण्यात आला. जप्त करण्यात आलेला सुका गांजा मुद्देमालाची किंमत बाजार भावप्रमाणे ५५,००००० लाख रुपये असल्याचा अंदाज आहे. तसेच मुद्देमालबाबत जागेवर तपास केला असता मुद्देमाल कोणचा आहे, याबाबत माहिती मिळु शकली नाही. सदर कारवाईत वनविभागाचे श्री. काशिनाथ देवरे, वनपरिक्षेत्र अधिकारी सांगवी, श्री. बिपीन महाजन वनपाल, पळासनेर अति. कार्यभार खंबाळा श्री. राजेंद्र शेटे, वनपाल सांगवी श्री. नितीन बेडसे, वनरक्षक चोंदीनाला, श्री. नरेद्र चित्ते, वनरक्षक बिजासणी श्रीमती आयोध्या नागपूर्णे, श्रीमती माधुरी परदेशी, श्रीमती विद्या ठाकरे, श्री. दानिल मावची, शासकीय वाहन चालक साहेबराव तुंगार, श्री. संदिप ठाकरे इ. सहभाग घेतला.

सदरची कारवाई मा.निनु सोमराज, वनसंरक्षक धुळे, मा. श्री. श्रीकांत धिवरे, पोलीस अधिक्षक धुळे, मा. नितीनकुमार सिंग उपवनसंरक्षक धुळे तसेच श्री. राजेंद्र सदगीर, विभागीय अधिकारी धुळे यांचे मार्गदर्शनात कारवाई करण्यात आली. व सदरची कारवाई वनविभाग व पोलीस विभागाचे गुप्त केली असुन पुढील सखोल तपास व कायदेशीर कारवाई पोलीस स्टेशन सांगवी मार्फत सुरु आहे.