तऱ्हाडी प्रतिनिधी ज्ञानेश्वर सैदाणे/
सर्वसामान्य नागरिकांच्या बँकिंग सेवा अधिक सक्षम, पारदर्शक व सुरक्षित करण्याच्या उद्देशाने सेंट्रल बँक ऑफ इंडिया, तऱ्हाडी शाखेत दिनांक २२ ते २५ सप्टेंबरदरम्यान प्रधानमंत्री जनधन खाते (PMJDY) तसेच सर्वे अकाउंट धारकांसाठी विशेष Re-KYC अभियान शिबिराचे आयोजन करण्यात आले आहे. बँकेच्या यादीनुसार ज्यांची नावे समाविष्ट आहेत, अशा सर्व खातेदारांना आवाहन करण्यात येत आहे की त्यांनी त्वरित शाखेत येऊन आपले आवश्यक कागदपत्र सादर करून Re-KYC प्रक्रिया पूर्ण करावी.
Re-KYC का आवश्यक आहे ?
बँकेच्या नियमानुसार प्रत्येक ग्राहकाचे खाते वेळोवेळी अपडेट राहणे आवश्यक आहे. ग्राहकांची अद्ययावत माहिती बँकेकडे उपलब्ध असल्यास खाते सुरक्षित राहते, शासकीय योजनांची रक्कम वेळेवर खात्यात जमा होते तसेच विविध सेवा व सुविधा घेणे सुलभ होते.
आवश्यक कागदपत्रे
Re-KYC साठी खातेदारांनी शाखेत येताना आणणे अनिवार्य आहे –
आधार कार्ड
बँक पासबुक
याशिवाय खातेदारांना प्रधानमंत्री जीवन ज्योती विमा योजना (PMJJY), प्रधानमंत्री सुरक्षा विमा योजना (PMSBY) आणि अटल पेन्शन योजना (APY) मध्ये नोंदणी करण्याची संधी देखील उपलब्ध करून देण्यात येणार आहे.
शिबिराची वैशिष्ट्ये
या शिबिराद्वारे खातेदारांना एका ठिकाणी KYC प्रक्रिया पूर्ण करण्याबरोबरच शासकीय योजनांचा लाभ घेण्यासाठी नोंदणीची सुविधा मिळत आहे. त्यामुळे ग्रामीण भागातील नागरिकांना मोठी सोय होणार आहे.
बँकेचे आवाहन
बँकेच्या यादीतील सर्व खातेदारांना आवाहन करण्यात येत आहे की, त्यांनी या संधीचा लाभ घ्यावा आणि कोणताही विलंब न करता लवकरात लवकर आपल्या तऱ्हाडी शाखेत येऊन Re-KYC करावे.
विखरण शाखा व्यवस्थापक श्री. पुष्पराज सिंह रघुवंशी आणि आशिष मानकर यांच्या मार्गदर्शनाखाली किरण अहिरे, गौतम सालवे व विनोद अहिरे यांनी हे शिबिर यशस्वीपणे आयोजित केले आहे. तसेच त्यांनी सांगितले की शासकीय योजनांच्या लाभापासून वंचित राहू नये म्हणून प्रत्येक खातेदाराने नियमानुसार आपली कागदपत्रे पूर्ण करणे आवश्यक आहे.लोकांनी बँकेचा ओटीपी कोणालाही देऊ नये तसेच कोणत्याही प्रकारच्या स्कीमच्या लालचाला बळी पडू नये, याबाबतही मार्गदर्शन करण्यात आले. तसेच सतर्कता जागरूकता अंतर्गत ग्रामीणांना सतर्कतेची शपथही देण्यात आली, असे शाखा व्यवस्थापक पुष्पराज सिंह रघुवंशी यांनी सांगितले.”
कोणत्याही टिप्पण्या नाहीत:
टिप्पणी पोस्ट करा