नगराध्यक्ष पदाचे उमेदवार जितेंद्र ठाकूर यांच्यासह नगरसेवक पदाच्या सर्व उमेदवारांना दिले समर्थन...
अमळनेर:- येथील मन्सूरी पिंजारी बिरादरीने लेखी निवेदन देत अमळनेर तालुका व शहर विकास आघाडीला पाठिंबा दिल्याचे घोषित केले आहे.
शहरात अजून मोठ्या प्रमाणावर विकासकामे व्हावीत, शहरात सामंजस्य, शांतता व एकी टिकून राहावी. स्वच्छ, समृद्ध व सुरक्षित शहर म्हणून अमळनेर उदयास यावे यासाठी मन्सूरी पिंजारी समाज पूर्ण सहकार्य करण्यास तयार असून शहराच्या उज्वल भविष्यासाठी तालुका व शहर विकास आघाडीचे नेते आमदार अनिल पाटील त्या दृष्टीन काम करीत आहेत. त्यामुळे शहर विकास आघाडीचे नगराध्यक्ष पदाचे उमेदवार जितेंद्र ठाकूर यांच्या सह नगरसेवक पदासाठी उभ्या असलेल्या सर्व उमेदवारांना मन्सूरी पिंजारी समाजाचे पूर्ण पाठिंबा असल्याचे या समर्थन पत्रात नमूद केले आहे.
आमदार अनिल पाटील व नगराध्यक्ष पदाचे उमेदवार जितेंद्र ठाकूर यांच्या उपस्थितीत मन्सूरी पिंजारी समाजाच्या प्रतिनिधींनी सदर लेखी समर्थन पत्र सुपूर्त केले. यावेळी समाजाचे तालुकाध्यक्ष सलीम महम्मद पिंजारी, मन्वर जुम्मा पिंजारी, अशपाक पिंजारी, इस्माईल पिंजारी, कासम पिंजारी, हाजी इकबाल पिंजारी, वसीम पिंजारी यांच्यासह सर्व पदाधिकारी, कार्यकर्ते व मान्यवर उपस्थित होते.
कोणत्याही टिप्पण्‍या नाहीत:
टिप्पणी पोस्ट करा