दोंडाईचा प्रतिनिधी / राज्याच्या स्थानिक स्वराज्य संस्थांच्या इतिहासात प्रथमच अविश्वसनीय असा विक्रम नोंदवत दोंडाईचा नगरपालिका पूर्णपणे बिनविरोध झाली आहे. नगराध्यक्षपदासह २६ पैकी २६ जागांवर भाजपचे निर्विवाद वर्चस्व प्रस्थापित झाले असून, मंत्री जयकुमारभाऊ रावल यांनी राजकीय अजेयता पुन्हा सिद्ध केली आहे.
विरोधक अक्षरशः नामोहरम!!
निवडणूक जाहीर झाल्या क्षणापासूनच भाजपचा गड अढळ असल्याचे चित्र होते; मात्र विरोधकांना उमेदवारी करायलाही वाव उरला नाही. शहरात ‘लढणार कोण?’ हा प्रश्नच निर्माण झाला.
रावलांचा रणशिंग फुंकताच नगरपरिषद एकमुखी!
दोन दशके राजकारणात आपली वेगळी छाप पाडलेल्या जयकुमार रावल यांच्या संघटनशक्तीसमोर कोणतेही राजकीय समीकरण टिकू शकले नाही. गटबाजी, वैमनस्य, स्थानिक संघर्ष — सर्व काही क्षणात गळून पडले आणि अखेर संपूर्ण नगरपरिषद कमळमय झाली.
राज्यातील पहिलीच पूर्ण बिनविरोध नगरपालिका
दोंडाईचा आता राज्याच्या नकाशावर अनोख्या नोंदीसह झळकली आहे. एकाही जागेवर मतदान न होता संपूर्ण सत्तासंरचना भाजपकडे गेल्याने दोंडाईचा ‘राजकीय प्रयोगशाळा’ म्हणून चर्चेत आली आहे.
शहरात जल्लोष — रावलांचे नेतृत्व ठसठशीत
निवडणूक टप्पा संपताच शहरात विजयोत्सवाचे वातावरण. कार्यकर्त्यांनी फटाके, ढोल ताशांसह रावलांचे स्वागत केले. नागरिकांनीही विकासकार्यासाठी स्थिर नेतृत्वाला पाठिंबा दिल्याचे बोलले जाते.
-
कोणत्याही टिप्पण्या नाहीत:
टिप्पणी पोस्ट करा