वर्षी प्रतिनिधी धुळे जिल्हा पोलीस दलाच्या वतीने आयोजित जिल्हास्तरीय पोलीस पाटील मेळावा – सन २०२६ मध्ये नरडाणा पोलीस ठाणे अंतर्गत कार्यरत असलेले पोलीस पाटील श्री. तुमडु भटु वाडीले यांना त्यांच्या उत्कृष्ट कामगिरीबद्दल प्रशस्तीपत्र देऊन गौरविण्यात आले. नरडाणा पोलीस ठाणे येथे दाखल गुन्हा रजिस्टर नंबर ५६/२०२५, भारतीय न्याय संहिता २०२३ चे कलम १३७ (२) अन्वये नोंदविण्यात आलेल्या प्रकरणातील पीडिता रत्ना बुधा भिल (वय १६ वर्षे) हिला कर्नाटक राज्यातील बेळगाव येथून सुरक्षितपणे परत आणण्यात पोलीस पाटील तुमडु वाडीले यांनी मोलाची भूमिका बजावली.
या प्रकरणाची माहिती त्यांनी तात्काळ नरडाणा पोलीस ठाण्यास दिली व तपासी अंमलदारांसोबत प्रत्यक्ष जाऊन पीडितेचा शोध घेतला. तसेच आरोपीस पकडण्यासाठी पोलीस प्रशासनाला महत्त्वपूर्ण सहकार्य केले. त्यांच्या या तत्परतेमुळे अल्पवयीन मुलगी सुखरूप परत येऊ शकली.
या उल्लेखनीय कार्याची दखल घेत जिल्हा पोलीस दलाच्या वतीने जिल्हास्तरीय मेळाव्यात त्यांना प्रशस्तीपत्र देऊन सन्मानित करण्यात आले. यावेळी उपस्थित अधिकाऱ्यांनी त्यांच्या कर्तव्यदक्षतेचे कौतुक करत भविष्यातही असेच समाजोपयोगी कार्य करण्यासाठी त्यांना शुभेच्छा दिल्या.
कोणत्याही टिप्पण्या नाहीत:
टिप्पणी पोस्ट करा