शिरपूर प्रतिनिधी :- महाराष्ट्रातील उद्योग क्षेत्रात उल्लेखनीय कार्य करणाऱ्या उद्योजकांचा गौरव करण्यासाठी दिला जाणारा “महाराष्ट्र उद्योग सन्मान पुरस्कार २०२६” हा प्रतिष्ठित पुरस्कार सुदाम मुव्हीजचे संचालक जगदीश मोरे (शिरपूर) यांना प्रदान करण्यात आला आहे.
भव्य पुरस्कार सोहळा
दि.२४ जानेवारी २०२६ रोजी सायंकाळी ५ ते रात्री १० या वेळेत कोल्हापूर येथे मोठ्या उत्साहात पार पडला. उद्योजकता, नवकल्पना आणि उत्कृष्ट कार्याचा सन्मान करणाऱ्या या पुरस्काराचे वितरण मराठी चित्रपटसृष्टीतील लोकप्रिय अभिनेत्री सोनाली कुलकर्णी यांच्या शुभहस्ते करण्यात आले.
जगदीश मोरे यांनी उद्योग क्षेत्रात आपल्या कल्पकतेच्या जोरावर वेगळा ठसा उमटवला आहे. व्यवसायातील प्रामाणिकपणा, नाविन्यपूर्ण उपक्रम, तसेच युवकांना रोजगारनिर्मितीच्या माध्यमातून संधी उपलब्ध करून देण्याचे कार्य त्यांनी सातत्याने केले आहे. त्यांच्या या योगदानाची दखल घेत राज्यस्तरीय समितीमार्फत त्यांची निवड करण्यात आली.या पुरस्कारामुळे शिरपूर तालुक्याचा गौरव वाढला असून, नवउद्योजकांसाठी जगदीश मोरे हे एक आदर्श ठरत आहेत. त्यांच्या या यशाबद्दल उद्योग क्षेत्रातून तसेच सामाजिक व राजकीय स्तरावरून अभिनंदनाचा वर्षाव होत आहे.
महाराष्ट्र उद्योग क्षेत्राच्या प्रगतीसाठी कार्य करणाऱ्या उद्योजकांना प्रोत्साहन देणे, नवकल्पनांना चालना देणे व उत्कृष्ट कार्याची दखल घेणे हा या पुरस्काराचा मुख्य उद्देश असून, यावर्षी सुदाम मुव्हीजच्या माध्यमातून उद्योग क्षेत्रात उल्लेखनीय योगदान देणाऱ्या जगदीश मोरे यांची निवड होणे ही अभिमानाची बाब मानली जात आहे. त्यांच्या या गौरवामुळे शिरपूरसह संपूर्ण धुळे जिल्ह्याचा नावलौकिक वाढला आहे.
कोणत्याही टिप्पण्या नाहीत:
टिप्पणी पोस्ट करा