बापू चव्हाण दिंडोरी
दिंडोरी तालुक्यातील चिंचखेड येथे श्री कालभैरवनाथ मंदिराची प्राणप्रतिष्ठा व कलशरोपण सोहळा गुरुवार दि.५ मार्च पासून १००८ महामंडलेश्वर स्वामी शिवगिरीजी महाराज यांच्या उपस्थितीत होणार आहे.
गुरुवार ५ मार्च रोजी ८ ते १२ वाजेपर्यंत भव्य मिरवणूक तसेच नवकुंडात्मक यज्ञ व पूजा विधी आणि शिव महापुराण कथा प्रारंभ होणार असून शुक्रवार ६ आणि शनिवार ७ मार्च रोजी नवकुंडात्मक यज्ञ व पूजा विधि तसेच सायंकाळी ७ ते ९ शिव महापुराण कथा आणि रविवार ८ मार्च रोजी मूर्ती प्राणप्रतिष्ठा कलशारोपण महाप्रसाद आणि शिवमहापुराण कथा सांगता होईल,कार्यक्रमादरम्यान रोज सायंकाळी महाप्रसाद राहील अशी माहिती श्री भैरवनाथ मंदिर समितीचे अध्यक्ष रवीनंदजी महाराज यांनी दिली आहे.
या कार्यक्रमाला गोकुळ झिरवाळ,राजेंद्र उफाडे,गणपत बाबा पाटील यांचे मोलाचे सहकार्य लाभणार आहे.कार्यक्रमासाठी पंचक्रोशीतील भाविक भक्तांनी मोठ्या संख्येने उपस्थित राहावे असे आवाहन रवीनंदजी महाराज आणि कालभैरवनाथ मंदिर समितीच्या वतीने करण्यात आले आहे. मिरवणुकीसाठी विशेष आकर्षण म्हणून नामांकित ब्रास बँड देखील असणार आहे.
कोणत्याही टिप्पण्या नाहीत:
टिप्पणी पोस्ट करा