दि.१५/०४/२०२६ कॅम्प पोलीस स्टेशन मालेगाव येथे दर्शन दुगड, सहा. पोलीस अधिक्षक कॅम्प उपविभाग मालेगाव यांचे संकल्पनेतुन दत्तात्रय कराळे, विशेष पोलीस महानिरीक्षक नाशिक परिक्षेत्र, बाळासाहेब पाटील, पोलीस अधिक्षक, नाशिक ग्रामीण, तेगबीर सिंह संधु, अपर पोलीस अधिक्षक मालेगाव यांचे मार्गदर्शनाखाली नाशिक ग्रामीण पोलीस, कॅम्प पोलीस स्टेशन मालेगाव अंतर्गत सायबर गुन्हे जनजागृती कक्षाचे तेगबीर सिंह संधु, अपर पोलीस अधिक्षक मालेगाव यांचे हस्ते उद्घाटन करण्यात आले आहे.सायबर गुन्हे जनजागृती कक्षात एकावेळी ५० व्यक्ती बसतील अशी आसन व्यवस्था करण्यात आली आहे. जनजागृती कक्षाचा उद्देश हा सध्यस्थितीत मोठ्या प्रमाणावर सायबर गुन्हे घडत असल्याने लोकांमध्ये जनजागृती होवुन सायबर गुन्ह्यांवर प्रतिबंध व्हावा यासाठी आहे. कार्यक्रमाची सुरुवात हि शालेय विद्यार्थ्यांपासुन करण्यात आली असुन कार्यक्रमास अभिनव सांस्कृतिक मंडळ संचलीत आदर्श विद्यालय मालेगाव कडील चेतन राजपुत शिक्षक, भाग्यश्री बोरसे शिक्षिका यांचेसह २७ विद्यार्थी, २३ विद्यार्थीनी असे एकुण ५० विद्यार्थी हजर होते. कार्यक्रमासाठी आलेल्या विद्यार्थ्यांना कॅम्प पोलीस स्टेशन मालेगाव कडील सपोनि पंकज निकम, मपोउपनिरी विजया पवार यांनी सायबर गुन्ह्यांना प्रतिबंध करण्यासाठी काय काळजी घ्यावी व सायबर फसवणुक झाल्यास काय उपाययोजना करावी याबाबत सविस्तर मार्गदर्शन केले आहे. यापुढे जनजागृती कक्षात आपण सायबर गुन्ह्यांपासुन कसे वाचु शकतो याबाबत वेळोवेळी मार्गदर्शन करण्यात येणार आहे. कार्यक्रमात पोहवा. रुपचंद पारधी, राजपुत, अहिरे, माळी, पो.शि. लखन पवार, पो.शि.शेख, मपोशि. सोनवणे यांनी सहभाग घेतला होता.
कोणत्याही टिप्पण्या नाहीत:
टिप्पणी पोस्ट करा