बापू चव्हाण दिंडोरी
अक्राळे फाटा ते अक्राळे गाव, तसेच अक्राळे फाटा ते राघोजी भांगरे चौक (ओझर आंतरराष्ट्रीय विमानतळ) या रस्त्याची दुरुस्ती करण्यात यावी,या मागणीसाठी शिवसेनेचे जिल्हाप्रमुख भाऊलाल तांबडे यांनी पालकमंत्री गिरीश महाजन यांच्याकडे निवेदनाव्दारे केली आहे.
निवेदनात म्हटले आहे की, अक्राळे फाटा ते अक्राळे गाव,तसेच अक्राळे फाटा ते राघोजी भांगरे चौक (ओझर आंतरराष्ट्रीय विमानतळ) हे रस्ते विकास योजना सन २००१ -२०२१ अन्वये इजिमा १९७ व ग्रामा १५ दर्जाचा आहे.सदर रस्ता हा ओझर आंतरराष्ट्रीय विमानतळ,मुंबई ते आग्रा राष्ट्रीय महामार्ग क्रं.३ नाशिक,दिंडोरी प्रमुख राज्य मार्ग क्रं. ०३ ला जोडणारा महत्त्वाचा रस्ता आहे. सदरील रस्ता हा अक्राळे एमआयडीसी (औद्योगिक क्षेत्र) ओझर आंतरराष्ट्रीय विमानतळाला जोडणारा अतिशय महत्त्वाचा रस्ता आहे.तसेच सदर रस्त्यावरुन मोठ्या प्रमाणात वाहतुकीची वर्दळ असते. सदर रस्ता आदिवासी क्षेत्रातुन अक्राळे एमआयडीसी,पालखेड एमआयडीसी,जानोरी एमआयडीसी, खतवड एमआयडीसी,सहयाद्री फॉर्म ही महत्त्वाचे ठिकाणे आहेत.
त्यामुळे शेतकर्यांच्या दृष्टीने व शेत मालाच्या हितासाठी या मार्गाचा उपयोग होत असल्याने सदर मार्गाचे रुंदीकरण व मजबुतीकरण लवकरात लवकर होणे गरजेचे आहे.सदर रस्त्यावर सह्याद्री फॉर्म ही नामांकित कंपनी आहे. या कपंनीचे क्षेत्रफळ १०० एकरपेक्षा जास्त आहे.१५००० पेक्षा जास्त शेतकरी शेतीमालाचे विक्री करतात. ही कंपनी ४२ पेक्षा जास्त देशामध्ये माल निर्यात करते. या कंपनीत टोमॅटोवरील प्रक्रिया करणारे भारतातील सर्वात मोठे युनिट आहे. तसेच द्राक्षे निर्यात करणारे भारतातील सर्वात मोठी कंपनी आहे.या कंपनीत २५ पेक्षा जास्त फळभाज्यावर प्रक्रिया केली जाते. सदरचा रस्ता हा ओझर विमानतळाकडे जाणारा जवळचा पालखेड धरण आहे.त्यानंतर या मार्गावर दिंडोरीत श्री स्वामी समर्थ केंद्र व करंजी येथील प्रसिध्द श्री गुरुदेव दत्तांचे आजोळ असल्यांने भाविकांची वर्दळ जास्त आहे.तसेच अक्राळे,पालखेड,जानोरी,खतवड आदी एमआयडीसी या परिसरात असणारे वेगवेगळे उद्योजकांच्या दृष्टीने हा महत्त्वाचा रस्ता आहे. त्यामुळे कामास सिंहस्थ कुंभमेळा मधुन प्रस्तावित करुन मंजुरी द्यावी, अशी मागणी शिवसेनेचे जिल्हाप्रमुख भाऊलाल तांबडे यांनी पालकमंत्री गिरीश महाजन यांच्याकडे केली आहे..
कोणत्याही टिप्पण्या नाहीत:
टिप्पणी पोस्ट करा