▶ अमळनेर (वा.) परिसरात अवैधरित्या वाळू वाहतूक करणाऱ्या ट्रॅक्टरवर पोलिसांनी कारवाई करत ट्रॅक्टरसह वाळू असा सुमारे चार लाख रुपयांचा मुद्देमाल जप्त केला. ही कारवाई २५ तारखेला पहाटे सुमारे २:२५ वाजण्याच्या सुमारास पातोंडा गावाजवळ अमळनेर रस्त्यावर करण्यात आली.
पोलीस निरीक्षक दत्तात्रय निकम यांच्या मार्गदर्शनाखाली पोलीस उपनिरीक्षक शरद काकळीज, हेडकॉन्स्टेबल मिलिंद सोनार, हेडकॉन्स्टेबल कैलास शिंदे व विनोद संदानशिव हे पेट्रोलिंग करत असताना समोरून येणारा ट्रॅक्टर (क्रमांक एमएच १९ एपी ८८३२) संशयास्पद आढळला. चालक निलेश रुपचंद बोरला (वय ३०, रा. दुगाणी, ता. वरला, जि. बडवाणी, म.प्र.) हा वाळूची बेकायदेशीर वाहतूक करत असल्याचे तपासात समोर आले.
पोलिसांनी त्याच्याकडे परवान्याची चौकशी केली असता कोणताही वैध परवाना आढळून आला नाही. त्यामुळे चालकाविरुद्ध भारतीय न्याय संहितेच्या कलम ३०३ नुसार गुन्हा दाखल करण्यात आला आहे. पुढील तपास हेडकॉन्स्टेबल विजय भोई करत आहेत.
या कारवाईत अंदाजे ४ लाख रुपये किमतीचा ट्रॅक्टर आणि सुमारे ३ हजार रुपये किमतीची वाळू जप्त करण्यात आली आहे.
कोणत्याही टिप्पण्या नाहीत:
टिप्पणी पोस्ट करा