बापू चव्हाण -
आगामी सण-उत्सव व डॉ. बाबासाहेब आंबेडकर जयंतीच्या पार्श्वभूमीवर आयोजित शांतता बैठकीत तहसीलदार मुकेश कांबळे यांनी सर्व संबंधित विभागांना आवश्यक त्या सूचना देत मिरवणुका शांततेत व शिस्तबद्ध पद्धतीने पार पाडण्याचे आवाहन केले.
प्रांत कार्यालयाच्या मीटिंग हॉलमध्ये पार पडलेल्या या बैठकीस तहसीलदार मुकेश कांबळे,पोलीस निरीक्षक भगवान मथुरे,गटविकास अधिकारी भास्कर रेंगडे,नायब तहसीलदार श्रीमती दराडे यांच्यासह विविध विभागांचे अधिकारी, नगरपंचायतीचे कर्मचारी व उत्सव समित्यांचे पदाधिकारी मोठ्या संख्येने उपस्थित होते बैठकीत मिरवणूक मार्गावर कोणतीही अडचण निर्माण होऊ नये यासाठी विशेष भर देण्यात आला. कमी उंचीवरील विद्युत तारा दुरुस्त करणे,प्रत्येक मिरवणुकीसोबत वीज वितरण विभागाचे कर्मचारी ठेवणे तसेच रस्त्यांवरील खड्डे तातडीने बुजविण्याचे निर्देश संबंधित विभागांना देण्यात आले.तसेच कोणताही अनुचित प्रकार घडू नये व शहरातील कायदा व सुव्यवस्था अबाधित राहावी,यासाठी सर्वांनी प्रशासनाला सहकार्य करावे,असे आवाहन तहसीलदार मुकेश कांबळे यांनी केले.शहरातील सर्व मिरवणुका शांततेत व सुरळीत पार पडण्यासाठी प्रशासन पूर्णपणे सज्ज असल्याचे यावेळी स्पष्ट करून उपस्थितांचे आभार मानले.यावेळी जयंती उत्सव समितीचे पदाधिकारी कार्यकर्ते मोठ्या संख्येने उपस्थित होते.
कोणत्याही टिप्पण्या नाहीत:
टिप्पणी पोस्ट करा