▶ वणी प्रतिनिधी : राज्य उत्पादन शुल्क कळवण
विभागाच्या पथकाने बुधवारी (दि.१) मुंबई-आग्रा महामार्गावर गुरुव्दाराचे समोर मंगरुळ फाटा मंगरुळ (ता. चांदवड) येथे सापळा रचून कंटेनरमधून अवैध मद्यसाठा जप्त केला. पथकाने दोघांना अटक करत न्यायालयात हजर केले असता न्यायालयाने पोलीस कोठडी सुनावली.पथकाने कंटेनर (एनएल ०१ एएफ ३५३८) मध्ये चालक युनूस युसूफ पठाण, जानी इकबाल खान, रऊफ लतिफ शेख यांना ताब्यात घेतले. पथकाने गोवा राज्यात निर्मित रॉयल ब्ल्यू व्हिस्कीच्या १८० मिली क्षमतेच्या एकूण ७२ हजार प्लास्टिक सीलबंद बाटल्यांचे १५०० बॉक्स व कंटेनर असा एकूण २ कोटी १० लाख ६७ हजारांचा मुद्देमाल जप्त केला असून पुढील तपास राज्य उत्पादन शुल्कचे अधिकारी करीत आहेत.
कोणत्याही टिप्पण्या नाहीत:
टिप्पणी पोस्ट करा