चोपडा:-(प्रतिनिधी)विनोद निकम शहरात मोकाट जनावरांचा हैदोस वाढल्याने वाहतूक समस्या निर्माण झाली असून अनेक ठिकाणी छोटे मोठे अपघात होत आहेत. नगरपालिका प्रशासन आणि वाहतूक पोलीस जनावरांचा बंदोबस्त करण्यास कमी पडल्याने चोपडा शहर वासीयांच्या समस्या आखणीच वाढल्या आहेत...येथे शहरातील रस्त्यांवर मात्र जनावरांचा सुळसुळाट दिसून येत आहे. ऐन वर्दळीच्या रस्त्यावर फिरणाऱ्या जनावरांमुळे अनेकदा अपघातसुद्धा झालेले
आहेत.मोकाट जनावरांमुळे होणारा वाहतुकीचा खोळंबा, ही बाब चोपडा वासीयांच्या डोकेदुखीत भर घालणारी ठरली आहे.ऐन चौकात रस्त्याच्या मध्यभागी किंवा वर्दळीच्या ठिकाणी त्यांचा ठिय्या असतो. सकाळी व संध्याकाळी वर्दळीच्या वेळी वाहतूक खोळंबल्याचे चित्र पाहायला मिळते. विशेषत: शहराच्या
सीमावर्ती भागात मोकाट जनावरांचा त्रास अधिक आहे. त्याविषयी विशेष चर्चा होत देखील नाही.पावसाळ्यात गाईच्या गोठय़ामध्ये मोठय़ा प्रमाणात दुर्गंधी असल्यामुळे अनेक गोपालक त्यांना सकाळच्या वेळी मोकळे सोडून देत असल्याचे प्रकार बघायला मिळतात. मोकाट जनावरे सोडणाऱ्या मालकांकडून दंड वसूल करण्यात यावा असे शहरवासीयांच्या माफक अपेक्षा आहेत.
कोणत्याही टिप्पण्या नाहीत:
टिप्पणी पोस्ट करा