कुरखळी प्रतिनिधी - योगेश्वर मोरे
शिरपूर तालुक्यातील कुरखळी जिल्हा परिषद मराठी शाळेत पोळा व गणेशोत्सवाचे औचित्य साधून पर्यावरण पूरक बैल व गणेश मूर्ती तयार करण्याचा अभिनव उपक्रम शाळेतर्फे आयोजित करण्यात आला. याउपक्रमात ५५ ते ७० विद्यार्थ्यांचा धभाग होता.
पर्यावरणाचा समतोल राखणे व त्यासाठी योग्य त्या उपाययोजणांचे योग्य मार्गदर्शन व प्रत्यक्ष अध्ययन हे बाळ वयातच विद्यार्थ्यांच्या मनात रुजविण्याचे व समाजात याचा योग्य संदेशाद्वारे जनजागृती करण्याकरिता हा आगळा वेगळा अभिनव उपक्रम कुरखळी येथील जि प मराठी शाळेने दि 29 ऑगस्ट रोजी राबविला.
जगासोबत ज्ञानार्जीत होऊन जगात आपली वेगळी ओळख असणे, रोजच्या दळणवळण व व्यवहाराच्या घटकांचा अभ्यास करणे, यान इतर घटकांचा अभ्यासपूर्ण मार्गदर्शन व प्रात्यक्षिकातून ज्ञानार्जनाची मोहीम वेळोवेळी राबवित असतो असे प्रतिपादन शाळेचे शिक्षक ज्ञानेश्वर माळी यांनी केले.
विद्यार्थ्यांमध्ये पारंपरिक व भारतीय संस्कृती टिकवून ठेवण्यासाठी तसेच पर्यावरणाचा ऱ्हास होण्यापासून सावध करून समतोल राखण्याच्या दृष्टीने राबविलेल्या या अभिनव उपक्रमाचे ग्रामस्थांकडून कौतुक केले जात आहे.
या उपक्रमासाठी मुख्याध्यापक श्री रघुनाथ गित्ते, शिक्षक श्री ज्ञानेश्वर माळी, शिक्षिका सौ योगिता नेरकर यांचे मार्गदर्शन लाभले.
तर अंगणवाडी शिक्षका, मदतनीस, आशा सेविका व ग्रामस्थ उपस्थित होते.
कोणत्याही टिप्पण्या नाहीत:
टिप्पणी पोस्ट करा