शिरपूर:प्रतिनिधी:तालुक्यातील सुशोभीकरणासाठी व पर्यटनासाठी डॉ जितेंद्र ठाकूर यांनी पर्यटन मंत्री जयकुमार रावल यांच्याकडे केलेल्या पाठपुराव्याने 2 कोटी 68 लक्ष अंदाजित निधी मंजूर केला असून त्यापैकी सुमारे १ कोटी ४५ लाख ईतका निधी वितरीत करण्यात आला आहे. यामुळे तालुक्यात अहिल्यापुर येथील अहिल्याबाई होळकर यांचे दुर्लक्षित असलेल्या विहीरीच्या जिर्णोद्धाराश अनेक गावांना पर्यटन निधीतून मदत मिळणार असल्याने पर्यटनाला चालना मिळून रोजगाराच्या संधी उपलब्ध होणार असल्याचे डॉ जितेंद्र ठाकूर यांनी सांगितले.
शिरपूर तालुक्यातील विकासासाठी शुशोभिकरण व जिर्णोद्धारासाठी पर्यटन विभागातील निधीची गरज होती.यासाठी डॉ जितेंद्र ठाकूर यांनी पर्यटन मंत्री जयकुमार रावल यांच्याकडे सातत्याने पाठपुरावा केला होता. अखेर शिरपूर तालुक्यासाठी १ कोटी ४५ लाख निधी पर्यटन विभागातून वितरीत करण्यात आला आहे. या निधी मुळे तालुक्यातील पर्यटन स्थळासाठी चालना मिळणार आहे.विशेष म्हणजे तालुक्यातील कित्येक वर्षापासून दुर्लक्षित असलेल्या अहिल्यापुर येथील अहिल्याबाई होळकर यांच्या विहीरीच्या जिर्णोद्धारासाठी 50 लक्ष निधी पैकी १५ लाख ईतका निधी प्राप्त झाल्याने या अहिल्याबाई होळकर विहीरीचा कायापालट होणार आहे.यासह तालुक्यातील आमोदे येथील महादेव मंदिर परिसराचे शुशोभिकरणासाठी 41.82 लक्ष मंजूर निधी पैकी २५ लक्ष,आमोदे येथील गजानन महाराज मंदिर परिसरात मुलभूत सुविधासाठी 50 लक्ष निधी पैकी २५ लक्ष तसेच जुने भामपूर येथील दत्त मंदिर परिसरात सभामंडप बांधकामासाठी 40 लक्ष मंजूर निधी पैकी २० लक्ष वितरीत तर शिंगावे येथील शिव मंदिर परिसरात भक्तमंडप व सभा मंडपासाठी 40 लक्ष मंजूर निधी पैकी २५ लक्ष वितरित, जैतपूर येथील दुर्गा माता मंदिर परिसरात मुलभूत सुविधासाठी47 लक्ष मंजूर निधी पैकी ३५ लक्ष निधी वितरीत करण्यात आला असून असा एकुण 2 कोटी 68लक्ष निधी मंजूर करून त्यातील १ कोटी ४५ लाख ईतका निधी वितरीत करण्यात आला आहे.
या पर्यटन विभागाच्या निधीतून तालुक्यातील विकास कामांना मोठी चालना मिळणार आहे. पर्यटन विभागातून निधी मंजूर केल्याबद्दल मंत्री जयकुमार रावल व भाजपा जिल्हाध्यक्ष बबनराव चौधरी यांचे आभार मानले. यासाठी खासदार हिनाताई गावित, तालुकाध्यक्ष राहुल रंधे, शहराध्यक्ष हेमंत पाटील यांसह भाजपा पदाधिकारी यांचे सहकार्य लाभले .
शिरपूर तालुक्यातील विकासासाठी भविष्यात देखील अशा प्रकारे निधी मंजूर करण्यात येणार असल्याचे डॉ जितेंद्र ठाकूरांनी यावेळी सांगितले.
कोणत्याही टिप्पण्या नाहीत:
टिप्पणी पोस्ट करा