पंकज पाटील (उपसंपादक तरुण गर्जना)
ज्यांना या
महाराष्ट्राचा इतिहास माहित नसेल , ज्यांनी आपल्या जन्म भूमीत स्वतः शासकीय सेवेत असतांना
गावासाठी व आपल्या लोकांसाठी काहींही केलेले नसेल अश्या लोकांना अमळनेर
तालुक्याच्या विकासाची धुरा देतांना विचार
करा .लोकशाही फक्त पैश्यावर विकली जाते असा उद्देश ठेवून अमळनेर तालुक्यात राजकीय
करियर घडविणा-याना अद्दल घडविल्याशिवाय राहू नका. अमळनेर तालुक्यात लोकशाही जिवंत
आहे... हे आपल्या मतदानातून दाखवल्याशिवाय स्वस्त बसू नका .
या मातृभूमीत
जन्माला आलेल्या महापुरुषांच्या पूजनाचा क्रम ज्यांना कळत नाही अश्या हवसे ,गवसे,नवसे यांना
अमळनेर तालुक्यातील आमदारकीचे डोहाळे लागले आहेत. दहिवद येथील ग्रामपंचायत कार्यालया
समोर छत्रपती शिवाजी महाराज ,क्रांतिसूर्य ज्योतिबा फुले , क्रांतीज्योती आई
सावित्रीबाई फुले यांचे स्मारक व बाबासाहेब आंबेडकर यांचा पुतळा आहे.
या पवित्र
भुमीचा इतिहास सांगतो... बाबासाहेब
आंबेडकर यांचे गुरु महात्मा ज्योतिबा फुले होते व क्रांती सूर्य ज्योतिबा फुले
यांचे आदर्श छत्रपती शिवाजी महाराज होते . त्यानुसार छत्रपती शिवाजी महाराज यांच्या
प्रतिमेचे पुजन झाल्यानंतर क्रांती सूर्य ज्योतिबा फुले यांचे पुजन होणे
क्रमप्राप्त होते. शिवाजी महाराज यांच्या पुजनानंतर बाबासाहेब यांचे पुजन व शेवटी
क्रांती सुर्य महात्मा ज्योतिबा फुले यांचे पुजन केले गेले .यावरून त्यांना
महाराष्ट्राचा इतिहास किती माहित आहे हे दिसून येते . आज दहिवद गावांत तोंड ओळख करण्यास आलेले हवसे,गवसे ,नवसे यांना महापुरुषांचा
क्रमाचा विसर पडला .निवडून आल्यानंतर त्यांना अमळनेरच्या जनतेचा विसर पडणार नाही
याची काय हमी .त्यांचा भाषणात अमळनेरच्या विकासाचे कोणतेही हित व दृष्टीकोन नव्हता.” फक्त बोलाचा भात व बोलाची कढी “ असाच अभ्यास दिसून आला.
त्यांच्या
बाबतीत मला ....
संत कबीर
यांचा दोहा आठवतो .
पोथी पढ़ी पढ़ी जग मुआ ,पंडित भया
ना कोई !
ढाई आखर प्रेम का ,पढ़े सो पंडित
होय !
आपल्या
तालुक्यातील आजही उच्च पदावर असलेल्या अधिकारी ,कर्मचारी यांनी आपली प्रशासकीय
सेवा सांभाळून देखिल गांव विकासाचा विळा
उचलला असून गांव स्वयंपूर्ण करण्यासाठी ते प्रयत्न करत
आहेत . त्यांच्या
त्या प्रयत्नांना आज यश आले
आहे . मारवड विकास मंच ,जवखेडा विकास मंच ,पातोंडा
विकास मंच ,दहिवद विकास मंच ,शिरूड विकास मंच ,रणाईचे विकास मंच या मंचात काम
करणारे अधिकारी आज ही उच्च पदावर आहेत . गावासाठी व तालुक्यासाठी तळमळीने गांव
विकासाचा प्रयत्न करणारी अशी माय भुमितली माणसे भविष्यात राजकारणात आली तर नवल ठरणार नाही
.
पण ज्यांनी स्वत:च्या गावांत फक्त
मंदिरच बांधली असतील व सेवेत
असतांना गावाकडे ढुंकूनही पाहिले नसेल असे
हवसे,गवसे,नवसे अमळनेरचा किती विकास करतील याचा अभ्यास व विचार अमळनेरच्या जनतेने करणे गरजेचे आहे.
कोणत्याही टिप्पण्या नाहीत:
टिप्पणी पोस्ट करा