शिरपूर प्रतिनिधी :शिरपूर तालुक्यातील थाळनेर येथील मराठे गल्लीत राहणारा २९ वर्षीय तरुणाने घरात गळफास घेऊन आत्महत्या केली आहे. आत्महत्याचे कारण मात्र समजू शकलेले नाही.
याबाबत पोलिस सूत्रांकडून मिळालेल्या माहितीनुसार दिनांक १ रोजी दुपारी बारा ते एक वाजेच्या दरम्यान मराठे गल्लीतील योगेश आनंदा मराठे वय २९ याने आपल्या राहत्या घरात दुसऱ्या मजल्यावर गळफास घेऊन आत्महत्या केली. यावेळी त्यांची पत्नी घरात एकटी होती. ती त्याच्यासाठी जेवणाचं ताट करत होती. त्याच्या पत्नीस गॅलरीत आवाज आल्यामुळे तिने लगेच त्या ठिकाणी धाव घेतली. गल्लीतील तरुणांनी त्यास लगेच जमिनीवर उतरवले. गल्लीतील तरुणाने त्यास तात्काळ शिरपूर येथील
रुग्णालयात दाखल केले. रुग्णालयातील डॉक्टरांनी त्यास म्रुत घोषित केले. योगेशचे आई-वडील कालच सुरत येथे मोठ्या भावाकडे गेलेले होते. त्यामुळे घरात तो आणि त्याची पत्नी दोघे एकटेच होते. त्याने आत्महत्या का केली यावर काही समजू शकले नाही. त्याच्या पश्चात पत्नी आई वडील भाऊ वहिनी बहीण असा परिवार आहे. त्याच्यावर २ रोजी सकाळी दहा वाजता अंत्यसंस्कार करण्यात येणार आहे .तो आनंदा बारकू मराठे यांच्या चिरंजीव आहे. तो मोल मजुरीचे काम करायचा.
कोणत्याही टिप्पण्या नाहीत:
टिप्पणी पोस्ट करा