शिरपूर (प्रतिनिधी ) तालुक्याचे काँग्रेसचे आमदार काशीराम पावरा,काँग्रेसचे तालुकाध्यक्ष प्रभाकर चव्हाण यांनी आज दि.३० सप्टेंबर रोजी मुंबईतील गरवारे क्लब येथे झालेल्या कार्यक्रमात मुख्यमंत्री देवेंद्र फडणवीस यांच्या उपस्थितीत भाजपात अधिकृत प्रवेश केला.आणि शिरपूर शहरासहित ग्रामीण भागातील काशीराम पावरा व प्रभाकर चव्हाण यांचे समर्थकांनी फटाके फोडून आनंद साजरा केला. मुंबईतील प्रवेश सोहळावेळी मुख्यमंत्री देवेंद्र फडणवीस,भाजपा अध्यक्ष चंद्रकांत पाटील,जलसंपदा मंत्री गिरीश महाजन आदी मान्यवर उपस्थित होते.याप्रसंगी मुख्यमंत्री देवेंद्र फडणवीस म्हणाले की, शिरपूर तालुक्यातील काँग्रेसचे आ. काशीराम पावरा आणि काँग्रेसचे तालुका अध्यक्ष प्रभाकर चव्हाण यांनी आपल्या भाजपा पक्षात अधिकृतपणे प्रवेश केला असून लवकरच शिरपूर तालुक्याचे वरिष्ठ नेते अमरिशभाई पटेल यांचाही भाजपात प्रवेश होईल आणि संपूर्ण शिरपूर तालुका हा भाजपमय होणार आहे असे खुद्द मुख्यमंत्री देवेंद्र फडणवीस यांनी मुंबईत झालेल्या भाजपच्या मेगाभरती कार्यक्रमावेळी संकेत दिले.
कोणत्याही टिप्पण्या नाहीत:
टिप्पणी पोस्ट करा