चोपडा ,( प्रतिनिधी) विनोद निकम
चोपडा शहरात आज सकाळ पासून गणेश भक्तांनी शहरातील विविध मार्गाने सर्व सार्वजनिक मंडळाचे कार्यकर्तेे यांनी गणेश मूर्तीचे वाजत गाजत मिरवणूक काढून संध्याकाळ पर्यंत गणरायाची मूर्तीची स्थापना करण्यात आली यावेळी गणेश भक्तांमध्ये प्रचंड प्रमाणात उत्साह दिसून आला.शहराचे लोकनियुक्त नगराध्यक्षा मनिषाताई चौधरी व पालिकेतील गटनेते जीवन चौधरी यांनी त्यांच्या घरी गणेश मूर्तीची विधीवत स्थापना करून शहरातील सर्व नागरिकांचे आरोग्य चांगले रहावे ,शहराला कोणाची नजर लागू नये अशी प्रार्थना गणरायाच्या चरणी केली.तसेच आज शहरातील मेनरोड वरील दोन्ही बाजूंनी वाहतूक व्यवस्था पूर्ण पणे ठप्प झाली होती. त्यात वरून राजाने हजेरी लावल्याने गणेश भक्तांची काहीवेळ धावपळ उडाली.यावेळी पोलिसांनी प्रत्येक ठिकाणी बारीक लक्ष ठेवत कडक बंदोबस्त ठेवला होता.
कोणत्याही टिप्पण्या नाहीत:
टिप्पणी पोस्ट करा