चोपडाःप्रतिनिधी विनोद निकम :येथील म.गांधी शिक्षण मंडळ संचलित, कला, शास्त्र आणि वाणिज्य महाविद्यालयात विविध परीक्षांमध्ये व विविध स्पर्धांमध्ये यशस्वी ठरलेल्या विद्यार्थ्यांच्या सत्काराचा कार्यक्रम संस्थेचे संस्थापक अध्यक्ष डाॕ.सुरेश जी पाटील यांच्या अध्यक्षतेखाली व संस्थेच्या सचिव डाॕ. स्मिता संदीप पाटील व प्राचार्य डाॕ डी ए सूर्यवंशी यांच्या प्रमुख उपस्थितीत आयोजित करण्यात आला . मान्यवरांच्या हस्ते एम काॕम परीक्षेत 75.69% गुण मिळवून सी ए परीक्षेतील आयपीसीसी गृप उत्तीर्ण झाल्याबद्दल स्नेहा सुरेश साखला, युवा संसद अंतर्गत पंचायत समिती चोपडा तर्फे आयोजित तालुका स्तरीय वक्तृत्व स्पर्धेत प्रथम आल्याबद्दल भाग्येश राजेंद्र सोनवणे, संगमनेर येथे इन्स्पायर कॕम्पसाठी निवड झालेले प्रथमेश कोठावदे , मयूर पाटील व सचिन भारती व स्वातंत्र्य दिनानिमित्त रोटरी क्लबतर्फे आयोजित देशभक्तीपर गीतगायन स्पर्धेत द्वितीय क्रमांक प्राप्त प्रणिती महाजन व गृप आदिंचा गौरव करण्यात आला. अभ्यासाइतकेच विविध स्पर्धांमध्ये सहभागी होणे विद्यार्थ्यांच्या व्यक्तिमत्त्व विकासासाठी आवश्यक असल्याचे मत संस्थेच्या सचिव डाॕ स्मिता संदीप पाटील यांनी मांडले.प्रास्तविक प्राचार्य डाॕ डी ए सूर्यवंशी यांनी केले. सूत्रसंचालन प्रा सी आर देवरे यांनी केले. उपप्राचार्य प्रा बी एस हळपे यांनी आभार मानले . कार्यक्रमास पर्यवेक्षक प्रा व्ही वाय पाटील , प्रा एन बी शिरसाठ, प्रा पी आय जैन, प्रा किशोर राजपूत , श्री मनिष देसले आदिंसह शिक्षक शिक्षकेतर कर्मचारी कार्यक्रमास उपस्थित होते.
कोणत्याही टिप्पण्या नाहीत:
टिप्पणी पोस्ट करा