लोहारा ता. पाचोरा प्रतिनिधी::- धुळे जिल्हा भोईसमाज महासंघ (रजि) द्वारा महाराष्ट्र गुजरात मध्यप्रदेश या ञीराज्यस्तरीय भोईसमाज सामाजिक वधुवर परिचय मेळावा,महीला मेळावा तसेच दिव्यांग,विधवा,विधुर,घटस्फोटीत आणि वयस्क यांचा परिचय मेळावा हा २० आॅक्टोबर रोजी केशवगार्डन मनोहर सिनेमाजवळ धुळे येथे संपन्न होत आहे या त्रीराज्यस्तरीय वधुवर परिचय मेळाव्यात लोहारा येथील लोहारासुपुत्र श्री अर्जुन रामचंद्र भोई यांना पुन्हा जळगांव धुळे नंदुरबार नाशिक किंबहुना महाराष्ट्र,गुजरात,मध्यप्रदेश या परिसरातील भोईसमाज बंधुभगिनींच्या सहभागी कार्यक्रमात पुन्हा एकदा ""समाजभुषण"" या सामाजिक पुरस्काराने गौरविण्यात येणार आहे आणि ही पुन्हा लोहारा वासियांना गौरवाची बाब ठरत आहे. आजपर्यंत श्री अर्जुन रामचंद्र भोई यांच्या सामाजिक जाणिवेतून समाजकार्याची दखल पूर्ण महाराष्ट्राने घेतली आहे. श्री अर्जुन भोई हे राज्यातील संपुर्ण भटका समाज एकापटलावर यावा यासाठी कर्मवीर मा दादाईदाते साहेब यांच्या संघटन कार्यात कार्य करत आहेत. राज्यातील विमुक्त घुमंतूसमाज जनजातिच्या परिषदेवर ते राज्यउपाध्यक्ष म्हणून कार्यरत आहेत. आणि त्यातूनच ते भोईसमाज व त्याच्या तत्समजमाती ह्या एकापटलावर येऊन कार्यरत व्हाव्यात म्हणून राज्यात कार्यरत आहेत. श्री अर्जुनभोई यांना याअगोदर बाराबलुतेदार व अठराअलुतेदार याच्या पटलावरुन मुंबईत ""समाजभुषण"" समस्त मल्लावसमाज पुणे, यांच्याकडून महाराष्ट्राच्या पटलावर ""समाजगौरव"" पुरस्काराने गौरविण्यात आले आहे. कुठल्याही परिस्थितीत झुंजत समाज उत्थानासाठी ते तन मन धनाने कार्यरत राहुन त्यांनी आपल्या कार्याचा ठसा महाराष्ट्र तसेच दिल्लीच्या वाटेवर उमटवला आहे. समाजासाठी सामाजिक आर्थिक शारिरीक यासह त्यांनी आपले उल्लेखनिय योगदान दिले आहे. त्यांच्या उल्लेखनीय योगदानाची दखल पुन्हा धुळे जिल्हा भोईसमाज महासंघाने घेतली आहे. ही लोहारा वासियांना अभिमानाची बाब ठरत आहे
कोणत्याही टिप्पण्या नाहीत:
टिप्पणी पोस्ट करा