शिरपूर:प्रतिनिधी:मुंबई आग्रा राष्ट्रीय महामार्गावर उभ्या ट्रकला धुळेहुन शेंधवाकडे भरधाव वेगाने जाणाऱ्या आयशरने जोराची धडक दिली यात आयशरचा क्लिनर ठार झाला असुन तर चालक गंभीर जखमी झाला आहे.
मुंबई आग्रा राष्ट्रीय महार्गावरील हाडाखेड गावाजवळ लासलगाव येथून मुज्जफरपुर बिहार येथे कांदे घेऊन जाणारा ट्रक (यु.पी ८३ बिटी ५६५६ )मध्ये बिघाड झाल्याने ट्रकला रस्त्याच्या बाजुला उभा करण्यात आले होते.रात्री २ वाजेच्या सुमारास धुळ्याहुन शेंधवाकडे भरधाव वेगाने जाणारी आयशर (एम.पी.०९ सीसी ९८७९) ने ट्रकला जोराची धडक दिली.यावेळी आयशर मधील क्लिनर राजु शंकर बामनिया वय २७ वर्ष रा.नयानगर,बालसपुर मध्यप्रदेश याचा अपघातात म्रुत्यु झाला तर आयशर चालक सत्यम शामलाल नायक वय २५ वर्ष रा नयानगर,मध्यप्रदेश हा गंभीर जखमी झाला आहे.त्याच्यावर शिरपूर उपजिल्हा रुग्णालय येथे उपचार सुरु आहे. चालकावर सांगवी पोलीस स्टेशन येथे गुन्हा दाखल करण्यात आला आहे.
कोणत्याही टिप्पण्या नाहीत:
टिप्पणी पोस्ट करा