धुळे:प्रतिनिधी: शहरातील सर्वाधिक वर्दळीच्या वडजाई रस्त्याच्या रूंदीकरणाच्या कामात बाधा ठरत असलेले ३९ जणांचे अतिक्रमण मंगळवारी (दि. १४) मोठ्या पोलिस बंदोबस्तात काढण्यातआले.
सार्वजनिक बांधकाम विभाग, महापालिका आणि पोलिसांनी मिळून ही कारवाई केली. स्थानिकांचा विरोध झुगारत ही कारवाई करण्यात आली असून, गर्दी पांगविण्यासाठी पोलिसांना सौम्य लाठी चार्जही करावा लागला.
या रस्त्याच्या रूंदीकरणाचे काम सार्वजनिक बांधकाम विभागाच्या वतीने हाती घेण्यात आलेले आहे. या रस्ते कामाला अडसर ठरत असलेल्या संबंधित अतिक्रमणधारकांना वेळोवेळी अतिक्रमण काढण्याबाबत सूचित करूनही त्यांनी दुर्लक्ष केले होते.
त्यामुळे रस्ता रुंदीकरणाच्या कामात अडचणी उद्भवल्याने आजअखेर ही मोठी धडक कारवाई करण्यात आली. यात सर्वाधिक अतिक्रमण हे व्यावसायिकांचे असल्याचे दिसून आले. अतिक्रमणाची बाधा दूर झाल्याने आता या रस्त्याच्या रुंदीकरणाच्या कामाला गती मिळणार आहे. हा विस्तीर्ण रस्ता अतिक्रमणामुळे व्यापला गेलेला होता.
या रस्त्याच्या रुंदीकरणासोबतच दोन्ही बाजूला सांडपाण्याचा निचरा होण्यासाठी नाल्यांचेही निर्माण होत आहे.
कोणत्याही टिप्पण्या नाहीत:
टिप्पणी पोस्ट करा