शेगाव (प्रतिनिधी) खोटी तक्रार देवून शहानिशा न करता पोलिस प्रशासनाकडून मलकापूर येथील सांज. दै.मलकापूर आज तक च्या संपादकावर दाखल करण्यात आलेला खंडणीचा गुन्हा मागे घेवून खोटी तक्रार दाखल करणाऱ्यांवर तात्काळ कार्यवाही करण्यात यावी अशी मागणी तालुका शेगावच्या पत्रकारांनी तहसीलदार शेगाव यांना निवेदनाद्वारे केली आहे.
याबाबत दिलेल्या निवेदनात नमूद करण्यात आले आहे की, मलकापूर येथून प्रकाशित होणारे सांज दैनिक मलकापूर आजतक वृत्तपत्राचे संपादक विरसिंह राजपूत व उपसंपादक राजेश इंगळे यांनी त्यांच्या वृत्तपत्रात बुलडाणा अर्बन पतसंस्थेमध्ये सुरू असलेल्या बोगस गोल्ड लोन प्रकरणाची वृत्ते माहितीच्या आधारे प्रकाशित केली.
या संदर्भात बुलडाणा अर्बन पतसंस्थेने दिलेल्या तक्रारीवरून बुलडाणा पोलिस स्टेशनमध्ये संबंधित आरोपींविरूध्द बोगस गोल्ड लोन प्रकरणी गुन्हे सुध्दा दाखल करण्यात आलेले आहेत.
या बोगस गोल्ड लोन संदर्भात सातत्याने मलकापूर आजतक या वृत्तपत्रामध्ये काही भाग प्रकाशित केल्याने बुलडाणा अर्बनचे लेखापाल मोहन दलाल यांनी सांज दैनिक मलकापूर आजतक वृत्तपत्राचे संपादक विरसिंह राजपूत व उपसंपादक राजेश इंगळे यांचे विरोधात खंडणीची खोटी तक्रार दाखल केली. या तक्रारीची कुठलीही शहानिशा न करता बुलडाणा पो.स्टे.चे ठाणेदार कांबळे यांनी गुन्हे दाखल केले.सदर प्रकार हा लोकशाहीचा चौथा आधार स्तंभ असलेल्या वृत्तपत्राची मुस्कटदाबी करण्याचा प्रयत्न असून या आधी सुध्दा अशाचप्रकारे अनेक पत्रकारांविरूध्द खोट्या तक्रारी देवून व पैशाच्या जोरावर पोलिस प्रशासनास हाताशी धरून खोटे गुन्हे दाखल करून घेण्याचे प्रकार घडलेले आहेत.
तेव्हा लोकशाहीच्या चौथ्या आधार स्तंभाची मुस्कटदाबी करणा-यांविरोधात
पत्रकार संरक्षण कायद्या अंतर्गत तत्काळ कारवाई करण्यात येवून या प्रकरणी दोषी असलेल्यांविरूध्द कारवाई करण्यात येवून न्याय देण्यात यावा,अशी मागणी केली आहे. निवेदनावर सह्या
सचिन कडूकार,देवानंद उमाळे,अनिल उंबरकार, राजेश चौधरी, दिनेश महाजन,महेंद्र मिश्रा,संतोष पिंगळे,दिनेश घाटोल,नंदू कुलकर्णी,अमर बोरसे,देविदास कळस्कार,संजय त्रिवेदी,सिद्धार्थ गावंडे,उमेश राजगुरे,प्रशांत खत्री,समीर देशमुख,संजय ठाकूर,दिपक सुरुसे, अरुण भटकर,राजकुमार व्यास,देव समदूर,मनोज वर्मा उपस्थित होते.
उपस्थित होते.
निवेदनाच्या प्रती जिल्हाधिकारी बुलडाणा, जिल्हा पोलिस अधीक्षक बुलडाणा,गृहमंत्री महाराष्ट्र राज्य यांना पाठविण्यात आल्या आहेत.
कोणत्याही टिप्पण्या नाहीत:
टिप्पणी पोस्ट करा