शिरपूर:प्रतिनिधी:महाराष्ट्र राज्याचे माजी शालेय शिक्षण, क्रीडा व युवक कल्याण मंत्री अमरिशभाई पटेल, तालुक्याचे आमदार काशीराम पावरा, शिरपूरचे उपनगराध्यक्ष भूपेशभाई पटेल, नगरसेवक तपनभाई पटेल यांच्या प्रयत्नाने तसेच आर. सी. पटेल मेडिकल फाऊंडेशन च्या वतीने अत्याधुनिक 'आरोग्य रक्षक' रुग्णवाहिकेचे लोकार्पण शुक्रवारी दि. 28 फेब्रुवारी रोजी सकाळी 10.30 वाजता खंबाळे येथे करण्यात येत आहे.
शिरपूर तालुक्यातील गरजू व सर्वसामान्य तसेच सर्व नागरिकांच्या दृष्टीने अत्यावश्यक सेवा म्हणून पटेल परिवाराने गेल्या अनेक वर्षांपासून दोन अत्याधुनिक कार्डियाक रुग्णवाहिका नागरिकांच्या सेवेत उपलब्ध केल्या आहेत. शिरपूर शहर व तालुक्याची वाढती लोकसंख्या तसेच इतर गंभीर आजारांची मोठी संख्या लक्षात घेता पुन्हा दोन रुग्णवाहिकांचे लोकार्पण करण्याचे पटेल परिवाराने निश्चित केले आहे.
खंबाळे येथे शुक्रवारी दि. 28 फेब्रुवारी रोजी सकाळी 10.30 वाजता तालुक्याचे आमदार काशीराम पावरा यांच्या हस्ते आरोग्य रक्षक या रुग्णवाहिकेचे लोकार्पण करण्यात येत आहे. या कार्यक्रमाच्या अध्यक्षस्थानी प्रियदर्शिनी सहकारी सूतगिरणीचे चेअरमन तथा शिरपूरचे उपनगराध्यक्ष भूपेशभाई पटेल हे राहतील. कार्यक्रमाचे उद्घाटन प्रसंगी दिपप्रज्वलन उद्योगपती तथा शिरपूर नगरपालिकेचे बांधकाम सभापती तपनभाई पटेल करतील.
यावेळी प्रमुख पाहुणे म्हणून जिल्हा परिषद सदस्य योगेश बादल, जिल्हा परिषद सदस्य कैलास पावरा, पंचायत समिती सदस्य प्रभाबाई कोकणी, पंचायत समिती सदस्य कमलाबाई पावरा, पंचायत समिती सदस्य बागला पावरा, पंचायत समिती सदस्य दिनेश पावरा यांच्यासह अनेक मान्यवर उपस्थित राहतील.
या कार्यक्रमास उपस्थित राहण्याचे आवाहन आर. सी. पटेल मेडिकल फाउंडेशन चे सर्व पदाधिकारी यांनी केले आहे.
कोणत्याही टिप्पण्या नाहीत:
टिप्पणी पोस्ट करा