प्रतिनिधी:शिवाजी पारधी अमळनेर गटविकास अधिकारी यांनी दहिवद गांव शंभर टक्के हागणदारी
मुक्त झाले असल्याचे जाहीर केले. त्यानंतर दहिवद हे गांव कायमस्वरूपी हागणदारी मुक्त
गांव राहण्यासाठी लोकनियुक्त सरपंच सुषमा देसले
,उपसरपंच वैशाली माळी व ग्रामपंचायत सदस्य यांनी या उपक्रमात अजून शासकीय
नियमानुसार कडक अमलबजावणी करण्याचा निर्णय घेतला आहे .
गावांत प्रसार व
प्रचार माध्यमांचा उपयोग करत गावातील लोकांना सूचित केले आहे. जो कोणी उघड्यावर शौचालयास बसेल त्याला शासन
नियमानुसार दंड ,कारावास व तसेच शासन आदेशांनुसार रेशन कार्ड योजनेचा लाभ रद्द करण्याची तजवीज
केली जाईल. यासाठी प्रसार माध्यमाचा वापर
करत दहिवद गांव हागणदारी मुक्त गांव म्हणून कायमस्वरूपी राहण्यासाठी विडा उचलला आहे.
दहिवद गांव तालुक्यातील
जी गांवे मोठे आहेत त्या गावांमधील एक गांव असून हागणदारी मुक्त झाल्याने तालुक्यात
एकच चर्चा आहे. तालुक्यातील जनतेला या गोष्टीवर विश्वास बसत नसून तालुक्यातील सर्वात
वादग्रस्त असलेल्या गावांत हे झाले तरी कसे ? हा देखील प्रश्न पडला आहे.
गावांतील जनतेचा
प्रतिसाद पाहता गटविकास अधिकारी संदीप वायाळ यांनी गावाकडे विशेष लक्ष घालत सामाजिक
कार्यकर्ते पंकज पाटील यांच्या मागणी
नुसार सार्वजनिक शौचालयाचे महिला व पुरुषांसाठी पाच युनिट मंजूर केले आहेत. १४ वित्त आयोग मधील निधीचा वापर करत बंद पडलेल्या
शौचालयांचे पुनर्जीवन करण्याचे काम चालू
केले आहे. तालुक्यात सार्वजनिक शौचालयाचे रोल
मॉडेल दहिवद गांवी तयार करणार
असल्याचे पंकज पाटील यांनी सांगितले.
गांव हागणदारीमुक्त
करण्यासाठी दहिवद येथील ग्रा.पं.सदस्य सुनील पाटील ,बाळू पाटील ,रवींद्र माळी
,देवानंद बहारे ,शिवाजी सोनवणे ,भीमा गोसावी,माणिकराव भदाणे ,स्वच्छता दूत भागवत
पारधी व ग्रामपंचायत कर्मचारी यांनी
पुढाकार घेतला आहे . आजी माजी जि.प.सदस्य त्यांना या कामात मार्गदर्शन करत आहेत व
गांव कायमस्वरूपी हागणदारी मुक्त राहण्यासाठी प्रचार व प्रसार माध्यमांचा वापर
लोकनियुक्त सरपंच यांच्या आदेशानुसार केला
जात आहे.
कोणत्याही टिप्पण्या नाहीत:
टिप्पणी पोस्ट करा