सत्रासेन:प्रतिनिधी: सत्रासेन ता चोपडा: सातपुड्याच्या दुर्गम भागातील गावांमध्ये तसेच मध्य प्रदेशातील वरला,बलवाडी, सेंधवा तसेच महाराष्ट्रातील चोपडा तालुक्यातील वैजापूर,उमरटी व शिरपूर तालुक्यातील रोहिणी,अंबा खंबाडे या गावांमध्ये भोंगर्या बाजाराची तयारी जोरात सुरू आहे. सांस्कृतिक कार्यक्रमाची रेलचेल लवकरच सुरू होणार आहे.
आदिवासी बांधवांच्या दिवाळीसारखा ओळखला जाणारा सण म्हणजे भोंगर्या उत्सव व होलिकोत्सव अवघ्या काही दिवसात येऊन ठेवला आहे. व्यवसायासाठी आदिवासी बांधव मोठ्या तयारीवर लागलेले असून सातपुड्याच्या गावांमध्ये व आदिवासी वस्तीमध्ये आदिवासी ढोलांचा आवाज ऐकू येऊ लागला आहे व ढोलांची सुधारणा करतांना दिसून येत आहेत.
तीन मार्च पासून बंगला बाजाराला सुरुवात होणार आहे. सातपुडा परिसरातील खेड्यांमध्ये तसेच मध्यप्रदेशातील वरला,बलवाडी आशा मोठ्या बाजारपेठेतील गावांमध्ये भोंगर्या बाजाराची तयारी सुरू झाली आहे. फाल्गुनी पौर्णिमेपासून सुरु होणाऱ्या होलीकोत्सवात गुजरात,महाराष्ट्र व मध्यप्रदेश या राज्यांमध्ये विखरलेली पावरा,गावित,मावची समाज एकत्र येत असतात. यंदाही सातपुड्याच्या परिसरातील तसेच दऱ्याखोऱ्यातील अतिदुर्गम भागातील मजुरीसाठी स्थलांतरित झालेले समाजबांधव उत्सवासाठी गावाकडे व आपल्या वस्तीकडे परतू लागले आहेत. आदिवासी बनवून मध्ये भोंगऱ्या बाजारासाठी उत्साह दिसून येत आहे.
कोणत्याही टिप्पण्या नाहीत:
टिप्पणी पोस्ट करा