प्रतिनिधी:तोरणमाळ येथील गोरक्षनाथ महाराजांच्या यात्रोत्सवासाठी जाणार्या भाविकांचे बोलेरो वाहन खोल दरीत पडल्याने अपघात होवून दोन जागीच ठार तर अकरा जण जखमी झाल्याची घटना आज दि.२१ रोजी सकाळी घडली.
व्हॉइस -जखमींपैकी तिघांची प्रकृती चिंताजनक असल्याने मृतांचा आकडा वाढण्याची शक्यता नाकारता येत नाही.
तोरणमाळ येथे जाताना सात पायरी घाटात नागार्जून मंदिराजवळ बोलेरो गाडी चालकाचा आपल्या वाहनावरील ताबा सुटल्याने वाहन ३० फूट खोल दरीत कोसळले.
अपघातातील मयत आणि जखमी धुळे जिल्ह्यातील शिरपूर तालुक्यातील रोहिणी येथील रहिवाशी असल्याचे समजते मयत प्रवाशांमध्ये तुळशीराम वेलशा पावरा (वय ४२, रा.दोंदवाडा) पवन पावरा (35)यांचा समावेश आहे.
तर जखमींमध्ये अनिताबाई फुलाला पावरा (रा.सेंधवा), मेनकाबाई सुनील पावरा (लाडगाव सेंधवा), सुनीताबाई सुशिल पावरा (शिरपूर), सुनील लालसिंग पावरा (लडगाव सेंधवा), कविता तुळशीराम पावरा (हरिदोंदवाडा), सुंदरलाल गल्या पावरा (रोहिणी शिरपूर), राजेश सखाराम पावरा (आंबाखांबा), उमाबाई पवन पावरा (आंबाखांबा), साक्षी गोविंदा पावरा (रोहिणी नवापाडा), जितेश भिकला पावरा (आंबाखांबा) यांचा समावेश आहे. जखमींवर रुग्णालयात उपचार करण्यात येत आहेत.
कोणत्याही टिप्पण्या नाहीत:
टिप्पणी पोस्ट करा