नंदुरबार (प्रतिनिधी) विसरवाडी व तळोदा येथील बनावट ताडी विक्री केंद्रांवर राज्य उत्पादन शुल्क विभागाच्या भरारी पथकाने धाड टाकली असून, तिघांवर गुन्हा दाखल करण्यात आला आहे. धाडसत्रात १ लाख २३ हजारांच्या मुद्देमाल जप्त केला.
राज्य उत्पादन शुल्क विभागाच्या भरारी पथकाने नंदुरबार-तळोदा रस्त्यावरील वाकाचार रस्त्यावर ताडी वाहतूक करताना एक मोटरसायकल स्वाराला पकडण्यात आले.त्यानंतर भरारी पथकाने अधिक चौकशी केली असता विसरवाडी ता. नवापूर व तळोदा येथे बनावट ताडी विक्री केंद्रावर धाडी टाकण्यात आल्या.
धडासत्रात ताडी बनवण्यासाठी वापरण्यात येणारे केमिकल साहित्य जप्त करून १ हजार २५० लिटर बनावट ताडी नष्ट करण्यात आली.कारवाईत तिघा आरोपींवर गुन्हे दाखल करण्यात आले असून,१ लाख २३ हजार १७० रुपयांच्या मुद्देमाल जप्त करण्यात आलेला आहे.
कारवाई राज्य उत्पादन शुल्क विभागाचे नाशिक विभागीय उपायुक्त ए.एन मोहोळ, जिल्हा अधीक्षक युवराज राठोड यांच्या मार्गदर्शनाखाली भरारी पथकाचे निरीक्षक अ.द देशमाने, मनोज संबोधी यांच्या पथकाने केली. पुढील तपास मनोज संबोधी करीत आहेत.
कोणत्याही टिप्पण्या नाहीत:
टिप्पणी पोस्ट करा