नाशिक:प्रतिनिधी:स्त्री खंबीरपणे उभी राहिली तरच परिवार भक्कम होतो. मात्र स्त्री स्वतः च्या आरोग्याबाबत फारशी जागरूक नसल्याचे चित्र आहे. प्रत्येकीने दैनंदिनीतील किमान ४५ मिनिटे दिली पाहिजेत. निरामय जीवनशैलीत मूत्रपिंडांची भूमिका महत्त्वाची असते" असे प्रतिपादन अपोलो हॉस्पिटलचे मूत्रपिंडविकार तज्ज्ञ डॉ. मोहन पटेल यांनी केले .
तर ,कोरोना विषाणूला घाबरू नका. वैयक्तिक व परिसर स्वच्छता, नियमित तपासणी, अनावश्यक गर्दीपासून दूर राहणे ही त्रिसूत्री तुमचा कोरोनापासून बचाव करेल असा मोलाचा सल्ला हृदयरोग तज्ज्ञ डॉ. राजश्री धोंगडे यांनी दिला. महिलादिनाचे औचित्य साधून विनयनगर महिला मंडळ व अपोलो हॉस्पिटल यांच्या संयुक्त विद्यमाने आयोजित आरोग्यजागर कार्यक्रमात या तज्ज्ञ डॉक्टरांची उद्बोधक व्याख्याने झाली .
डॉ. प्रतिभा औंधकर यांनी प्रास्ताविकात आरोग्यजागराचा उद्देश समजावून सांगितला
यानंतर डॉ. दिव्यानी ब्राह्मणे व चमूने उपस्थित महिलांची आरोग्यतपासणी केली. कार्यक्रमाला परिसरातील महिलावर्ग मोठ्या संख्येने उपस्थित होता. अशा प्रकारचे कार्यक्रम नियमितरित्या घेणे महिलांच्या सक्षमीकरणा साठी आवश्यक असल्याचे प्रतिपादन या सर्व महिलांनी केले . कार्यक्रम यशस्वितेसाठी महिला मंडळाच्या मृणाल जोशी, सौ.कुलकर्णी, सौ. शहारे, सौ. बिरारी, योगेश माघाडे आदी प्रयत्नशील होते.
फोटो : महिला दिनाचे औचित्य साधून विनयनगर महिलामंडळाने आयोजित केलेल्या आरोग्यजागर कार्यक्रमात बोलताना डॉ. मोहन पटेल. समवेत डॉ.राजश्री धोंगडे , डॉ. प्रतिभा औंधकर , डॉ.दिव्यानी ब्राह्मणे, आदी मान्यवर दिसत आहेत.
कोणत्याही टिप्पण्या नाहीत:
टिप्पणी पोस्ट करा