जळगाव प्रतिनिधी:राज्यसभेच्या द्वैवार्षिक निवडणुकीसाठी राष्ट्रवादीतर्फे पक्षाध्यक्ष शरद पवार आणि माजी राज्यमंत्री फौजिया खान यांची उमेदवारी निश्चित करण्यात आल्याची माहिती आहे. आता, भाजपचे ज्येष्ठ व नाराज नेते एकनाथ खडसे यांना राज्यसभेत पाठवले जाणार असल्याच्या चर्चेला वेग आला आहे.
दरम्यान, महाराष्ट्राच्या कोटय़ातून राज्यसभेवर निवडून गेलेल्या सात खासदारांचा कार्यकाळ पुढील महिन्यात संपत आहे. त्यामुळं या रिक्त जागांसाठी लवकरच निवडणूक होणार आहे. भाजपनं रिपाईचे अध्यक्ष रामदास आठवले, माजी खासदार उदयनराजे भोसले यांची नावे आधीच निश्चित केली आहेत.
दरम्यान, तिसऱया नावासाठी संजय काकडे यांचे नाव समोर आले होते. मात्र, आता त्यांचं नाव मागे पडल्याचं दिसत आहे. राज्य भाजप कार्यकारिणीकडून खडसे यांच्या नावाचा आग्रह धरला जात आहे. खडसे तो आग्रह मान्य करतात का, हे पाहणं महत्त्वाचं ठरणार आहे.
कोणत्याही टिप्पण्या नाहीत:
टिप्पणी पोस्ट करा