धुळे:प्रतिनिधी:जवाहर मेडिकल फाऊंडेशनच्या एसीपीएम मेडिकल कॉलेज आणि रुग्णालयातर्फे राज्य राखीव पोलीस दल क्रमांक 6 च्या कॅम्पसमध्ये नुकतेच अस्थीरोग निदान शिबिराचे आयोजन करण्यात आले होते. या शिबिरात अस्थीरोग विभागातील डॉ. अवनिश राय, डॉ. अभिजित शिरसाट यांनी तपासणी केली. परिसरात राहणाऱ्या पोलीस कुटुंबीयांनी या शिबिराला उत्तम प्रतिसाद दिला.
हाडांशी निगडित आजार, जुने दुखणे, सांध्यांचे दुखणे, पाठदुखी, अपघाताचे दुखणे, माणक्यांचे आजार अशा सर्वच रुग्णांची तपासणी केली. गुरुवारी संध्याकाळी झालेल्या या शिबिरात पोलीस बांधवांनी मोठा सहभाग नोंदवला. काही रुग्णांना पुढील उपचारासाठी योग्य त्या सूचना डॉक्टरांनी केल्या. जवाहर मेडिकल फाऊंडेशनचे चेअरमन डॉ.भाईदास पाटील,सहसचिव संगीताताई पाटील, नेहल पाटील, डॉ.ममताताई पाटील, अधिष्ठाता डॉ. विजय पाटील, पीआरओ (प्रशासन) राकेश काकूस्ते यांच्या मार्गदर्शनाखाली महात्मा फुले आरोग्य योजनेचे संदीप भामरे, रुग्णमित्र प्रवीण राजपूत, समाधान पाटील, लक्ष्मी चौधरी, प्रांजल गावित आदींनी या शिबिरासाठी परिश्रम घेतले. एसआरपी रुग्णालयाचे प्रमुख डॉ. महेंद्र चव्हाण यांनी सर्वांचा सत्कार केला.
कोणत्याही टिप्पण्‍या नाहीत:
टिप्पणी पोस्ट करा