खिर्डी प्रतिनिधी :कोरोणा व्हायरस हे जागतीक संकट भारतात पाय पसरत असल्यामुळे शहरापासुन ते गावापर्यंत मोठ्या प्रमाणात जनजागृती करण्यात येत आहे.रावेर तालुक्यातील खिर्डी बु।। या छोट्याशा गावातील अत्यावश्यक सेवेत असलेले किराणा दुकानही याबाबतीत चांगलीच सतर्कता दाखवताना दिसत आहे.
कोरोनाचा प्रादुर्भाव रोखता यावा म्हणून येथील गावातील सध्या दुकानांमध्ये कोरोणा व्हायरस बद्दल खुप प्रमाणात काळजी घेतली जात आहे असे दिसुन येत आहे.गावातील दुकानांच्या मालकांनी असे नियम बनवले आहे कि, जो पर्यंत एक गिर्हाईक दुकानातुन माल घेऊन जात नाहि तोपर्यंत, दुसर्या गिर्हाईकाला दुकानात प्रवेश नाही आणि जर गिर्हाईक जास्त झाले तर प्रत्येक गिर्हाईकामध्ये जवळ जवळ चार फुटाचे अंतर राहिल.
असे गोल मार्क करुन ठेवले आहे.यावेळी गावातील ‘निखिल प्रॉव्हिजन’ या दुकानाचे मालक अरुण चौधरी यांची प्रतिक्रिया घेतली असता ‘अशाप्रकारे जनजागृती केली व काळजी घेतली तर खरच कोरोणा व्हायरसला आपण आळा घालू शकतो असे मत व्यक्त केले.त्या वेळी खिर्डी सर्कल मीना तडवी मॅडम,तलाठी फिरोज खान व तत्पर फाऊंडेशन चे सदस्य व आदी उपस्थित होते.
कोणत्याही टिप्पण्या नाहीत:
टिप्पणी पोस्ट करा