नाशिक शहर व परिसरात संभाव्य कोरोना आजाराच्या धोका निर्माण होऊ नये यादृष्टीने सर्वांनी दक्षता घ्यावी.

नाशिक:प्रतिनिधी:शहर व परिसरात संभाव्य कोरोना आजाराच्या धोका निर्माण होऊ नये यादृष्टीने सर्वांनी दक्षता घ्यावी. तसेच या पार्श्वभूमीवर महापालिकेच्या माध्यमातून विविध उपाययोजना करण्याच्या सूचना वैद्यकीय व आरोग्य समिती सभापती  डॉ.दीपाली कुलकर्णी यांनी केल्या नाशिक शहरात स्वच्छता राहण्याच्या दृष्टीने संत गाडगेबाबा महाराज जयंती निमित्त विविध विभागात स्वच्छता मोहीम बुधवार दिनांक ११ मार्च पासून सर्वच विभागातील प्रत्येक प्रभागात राबविण्याच्या सूचना यावेळी बैठकीत देण्यात आल्या. 

वैद्यकीय व आरोग्य समिती सभापती डॉ. दिपाली कुलकर्णी यांनी मनपा मुख्यालय राजीव गांधी भवन येथील त्यांच्या कार्यालयात आरोग्य, वैद्यकीय विभागाचे अधिकारी तसेच सर्व विभागीय अधिकारी,सर्व विभागीय स्वच्छता निरीक्षक,स्वच्छता निरीक्षक यांची एक बैठक आयोजित केली होती.या बैठकीत शहरातील घंटागाड्या,  सार्वजनिक शौचालयाची स्वच्छता,ठीक-ठिकाणी दिसणारे ब्लॅक स्पॉट, उघड्यावर होणारी मास विक्री,रस्त्यावर कचरा टाकणाऱ्यावर कारवाई करणे आदी सर्व विषयांवर चर्चा केली. शहरात स्वच्छता राहील या दृष्टीने काम करण्याचे निर्देश या बैठकीत दिले.

तसेच उघड्यावर कचरा टाकणाऱ्या नागरिकांवर कारवाई करण्याचे निर्णय यावेळी या बैठकीत संबंधित अधिकाऱ्यांना दिले.शहरात नियमित व जास्तीत जास्त स्वच्छता राहील याबाबत दक्षता देण्याच्या सूचना दिल्या असून बुधवार दिनांक ११ मार्चपासून संत गाडगेबाबा महाराज जयंतीनिमित्त स्वच्छता मोहीम सुरू करण्याचे निर्देश यावेळी देण्यात आले 

आहेत. 

तसेच नागरिकांनी संभाव्य करोना आजाराच्या पार्श्वभूमीवर दक्षता घेण्याच्या सूचना व जनजागृती करण्याच्या सूचना वैद्यकीय व आरोग्य विभागाला यावेळी दिल्या या बैठकीस आरोग्य वैद्यकीय अधिकारी डॉ.राजेंद्र त्रंबके,डॉ नितीन रावते,डॉ.प्रशांत शेटे,सहाय्यक आयुक्त जयश्री सोनवणे,सहाय्यक आरोग्य अधिकारी सचिन हिरे, पशुवैद्यकीय अधिकारी प्रमोद सोनवणे,पूर्व विभागीय अधिकारी मुदलवाडकर, सर्व विभागीय स्वच्छता निरीक्षक,स्वच्छता निरीक्षक या बैठकीस उपस्थित होते.