शिरपूर प्रतिनिधी:कोरोना संसर्गा पासून शिरपूर शहराचे संरक्षण करण्यासाठी शिरपूर नगरपरिषदेच्या स्वच्छता विभागाने निर्जंतुकीकरणासाठी पुन्हा नव्याने हाय प्रेशर ब्लोअर मशीन व चार धुरळणी मशीन कालच नगर परिषदेच्या ताफ्यात दाखल केले असून शहरात सकाळी 6 ते रात्री 11 वाजेपर्यंत निर्जंतुकीकरण, औषध फवारणी चे काम सतत सुरु आहे.
माजी मंत्री अमरिशभाई पटेल, शिरपूर नगर परिषदेच्या लोकनियुक्त नगराध्यक्ष सौ. जयश्रीबेन पटेल, उपनगराध्यक्ष भूपेशभाई पटेल, नगरसेवक तपनभाई पटेल, मुख्याधिकारी अमोल बागुल, सर्व नगरसेवक यांच्या मार्गदर्शनाखाली आरोग्य विभागाने शहरात निर्जंतुकीकरण, फवारणीचे काम वेगाने सुरू आहे.
या फवारणी पथकामध्ये आतापर्यंत चार अत्याधुनिक ब्लोअर मशीन घेण्यात आले आहेत. याद्वारे 40 फूट पर्यंत औषध फवारणी करण्यात येते. तसेच एका मिनिटात 70 लीटर औषध फवारणी होते. तसेच 4 ट्रॅक्टर माऊंटेड स्प्रे मशीन, जुने 4 व नवीन 4 असे एकूण 8 फॉगिंग मशीन यांचा समावेश आहे. शहराची व्याप्ती आणि कोरोना संसर्गाची भीती यामुळे शिरपूर नगरपरिषदेने नगराध्यक्षा जयश्रीबेन पटेल यांचे आदेशाने जास्त क्षमतेचे ब्लोअर मशीन खरेदी करण्यात आले असून त्यामुळे पथकाची शहरातील फवारणी करण्याची क्षमता वाढली आहे.
शहरातील नागरिकांच्या आरोग्यासाठी शिरपूर नगर परिषद कटिबद्ध आहे. या सर्व कामांवर नगरपरिषदेचे नगराध्यक्षा जयश्रीबेन पटेल, उपनगराध्यक्ष भुपेशभाई पटेल, सर्व नगरसेवक, मुख्याधिकारी अमोल बागुल, प्रशासकीय अधिकारी संजय हासवानी, नगर अभियंता माधवराव पाटील, आरोग्य निरीक्षक अहिरे, सुनील जैन, सर्व अधिकारी, कर्मचारी हे लक्ष ठेवून आहेत. सर्वांचे चांगले सहकार्य व मार्गदर्शन प्रशासनास लाभत आहे.
नगरपरिषद स्वच्छता विभागाचे अधिकारी व कर्मचारी रात्रंदिवस आपला स्वतःचा जीव धोक्यात घालून नागरिकांच्या आरोग्य सुरक्षित ठेवण्या साठी प्रयत्न करत आहेत. सफाई कामगारांचे फार मोठ्या प्रमाणात योगदान आहे हे सर्व जनतेने लक्षात घ्यावे.
नागरिकांनीही स्वतःचे आरोग्य चांगले राहण्यासाठी व कोरोनाचा संसर्ग होवू नये म्हणून आवश्यक ती खबरदारी घ्यावी. लाॅकडाऊनच्या काळात आपल्या घरातच थांबून प्रशासनाला सहकार्य करावे असे आवाहन मुख्याधिकारी अमोल बागुल यांनी केले आहे.
कोणत्याही टिप्पण्या नाहीत:
टिप्पणी पोस्ट करा