Breaking News युवा शक्तीचा बुलंद आवाज..! बातमी मागील सत्य..!

सोमवार, १३ एप्रिल, २०२०

टीबी सॅनिटोरियमचा कायापालट करणार – महापौर भारतीताई सोनवणे


जळगाव प्रतिनिधी:जळगाव शहराची वाढती लोकसंख्या लक्षात घेता भविष्यात नागरिकांना आरोग्य सेवा देताना मनपा प्रशासन कुठेही कमी पडू नये यासाठी आरोग्य सेवा देण्यासाठी पुढाकार घेणाऱ्या कंपन्या, सेवाभावी संस्थांच्या माध्यमातून आरोग्यसेवा मजबूत करण्याच्या महापौरांच्या संकल्पनेतून अनेक वर्षांपासून बंद असलेल्या टीबी सनेटोरियमचा कायापालट करण्याला चालना भेटणार आहे. 

कोरोनाच्या पार्श्वभूमीवर योग्य उपाययोजना करण्याच्या दृष्टीने रविवारी महापौर भारती सोनवणे यांनी टीबी सनेटोरियमची पाहणी केली. टीबी सनेटोरियमची पाहणी करताना नगरसेवक कैलास सोनवणे, उपायुक्त अजित मुठे, डॉ.राम रावलानी, सदाशिव ढेकळे, नगरसेवक प्रशांत नाईक, मनोज काळे आदी उपस्थित होते.

शाळा, महाविद्यालय, मंगल कार्यालयात व्यवस्था करावी कोरोनाच्या पार्श्वभूमीवर टीबी सनेटोरियमची पाहणी करीत असताना त्याठिकाणी तात्काळ सोयसुविधा उपलब्ध करणे शक्य नाही. त्यामुळे तूर्तास शाळा, महाविद्यालय, मंगल कार्यालय, हॉटेलमध्ये रुग्णांच्या दृष्टीने उपाययोजना करण्याचे महापौर भारती सोनवणे यांनी सांगितले.

सेवाभावी संस्था, कंपन्यांची मदत घ्या
जळगावकर नागरिकांना चांगल्या आरोग्य सुविधा उपलब्ध होण्यासाठी टीबी सनेटोरियमचा विकास आवश्यक आहे. 

विविध कंपन्या,सेवाभावी व्यक्ती, सामाजिक संस्था, मंडळ टीबी सनेटोरियमच्या विकासासाठी मदत घेण्यासाठी प्रशासनाने पाठपुरावा करावा असेही त्या म्हणाल्या. टीबी सनेटोरियममध्ये अत्याधुनिक सुविधा उपलब्ध झाल्यास परिसरातील नागरिकांना आणि भविष्याच्या दृष्टीने जळगावकरांना मोठा फायदा होणार आहे.


कोणत्याही टिप्पण्‍या नाहीत:

टिप्पणी पोस्ट करा

प्रसिद्ध