परतूर प्रतिनिधी:तालुक्यात शेतकऱ्यांनी लागवड केलेले टरबूज खरबूजाचा लागवडीसाठी केलेला खर्च विक्री उत्पनातून निघत नसल्याने शेतकरी आर्थिक अडचणीत सापडला आहे. लागवडीवर आणि मिळत असलेल्या उत्पन्नाचा खर्चाचा ताळमेळ लागत नसल्याने यावर्षी टरबूज आणि खरबूज लागवड केलेल्या शेतकऱ्यांना आर्थिक फटका सोसावा लागत असल्याचे चित्र आहे.
यावेळी बोलताना परतूर येथील शेतकरी मुन्ना झंवर बोलताना म्हटले कि सिंगोना शिवारात यावर्षी उन्हाळी पिक म्हणून दोन एकरमध्ये खरबूज आणि टरबूज लागवड केलेली आहे. कोरोना संसर्ग मुळे सर्वत्र लॉकडाऊन आहे. बाजारपेठ बंद असल्याने शेतकऱ्यांना हा माल बाजारात विकता येत नाही. सध्या उन कडक असल्याने उन्हाने फळ खराब होत आहे. यात बाजारपेठ बंद असल्याने बेभाव विक्री करावी लागत आहे. दोन एकरमध्ये चाळीस हजार रुपये खर्च झाला आहे. बाजारात टरबूज खरबूज हातावर विक्री सूर केली आहे. मात्र चाळीस हजार रुपये झालेला खर्च निघणे कठीण झाला आहे. यामध्ये घाटा येतो का याची चिंता सतावत असून. किमान झालेला खर्च तरी निघाला तरी केलेली मेहनतीवर पाणी फिरणार आहे. अश्या फळ उत्पादन शेतकऱ्यांना शासनाने अनुदान देण्याची मागणी केली आहे.
कोणत्याही टिप्पण्या नाहीत:
टिप्पणी पोस्ट करा