धुळे करानो आता तरी सावधान व्हा धुळे शहरात करोनाग्रस्त व्यक्तीचा मृत्यू,मृतांची संख्या ३ वर

हिरे महाविद्यालयात उपचारासाठी दाखल झालेल्या धुळ्यातील तिरंगा चौकातील  कोरोना बाधित व्यक्तीचा मृत्यू झाल्यामुळे लोकमान्य हॉस्पिटल जवळील 80 फुटी रोड वरील बंदोबस्त ठेवण्यात आला आहे

धुळे प्रतिनिधी शहरात सोमवारी तिरंगा चौक परिसरात लोकप्रतिनिधीच्या भावाला करोनाची लागण झाल्याचे स्पष्ट झाले होते. त्याच्यावर उपचार सुरू असतांना आज तिसर्‍या दिवशी त्याचा मृत्यू झाला आहे.

त्यामुळे धुळे जिल्ह्यातील मृतांची संख्या तीनवर पोहचली आहे.

जळगाव, नंदुरबार पेक्षा धुळे जिल्ह्यात संसर्गजन्य करोना व्हायरसची लागण झालेले अधिक रुग्ण वाढल्याने चिंताजनक स्थिती निर्माण झाली आहे. 

याअगोदर जिल्ह्यात साक्री तालुक्यातील पहिल्या करोनाबाधिताचा मृत्यू झाला होता तर एका बाधिताचा अहवाल येण्याआधीच धुळे शहरातील शासकीय महाविद्यालयात मृत्यू झाला होता. त्यानंतर आज लोकप्रतिनीच्या भावाचा मृत्यू झाल आहे. 

मालेगावला करोनाची लागण होण्यापूर्वी तेथे तीन वेळा तो गेला होता,अशी माहिती समोर येत आहे. 

संपर्कातील लोकप्रतिनीधी सह शंभराहून अधिक जणांना अलगीकरण कक्षात दाखल करण्यात आले आहे.