तिघांना अटक ; एलसीबीची कारवाई
जळगाव प्रतिनिधी:जळगाव शहरातील अजिंठा चौफुलीजवळ असणाऱ्या राज वाईन शॉप मधून अवैधरित्या देशी विदेशी दारू नेट असल्याच्या गुप्त खबरीवरून एलसीबीच्या पथकाने आज धाड टाकून सुमारे दोन लाख रुपये किमतीची देशी विदेशी दारू हस्तगत केली असून तीन जणांना अटक करण्यात आली आहे.
अजिंठा चौफुलीवरील राज वाईन्समधून आज पहाटे ३.४५ वाजेच्या सुमारास तिघेजण खासगी वाहनाने बेकायदेशीर देशी विदेशी दारू घेवून जाणार असल्याची गुप्त माहिती स्थानिक गुन्हे शाखेचे पोलीस निरीक्षक बापू रोहम यांना मिळाली होती त्यावरून एलसीबी कर्मचाऱ्यांनी खातरजमा केल्यावर सकाळी कारवाई करत राज वाईन्सजवळ खासगी कार क्रमांक (एमएच १८ डब्ल्यू ९८४२)ची तपासणी केली या कारमध्ये २ लाख रूपये किंमतीचे देशी विदेशी दारू बंद खोक्यांमध्ये आढळून आली. पोलिसांनी चौकशी केल्यावर या आरोपींकडे कोणताही परवाना नसल्याचे स्पष्ट झाले त्यामुळे कारसह संशयित आरोपी राज वाईन्सचे मालक दिनेश राजकुमार मोठवाणी ( रा. आदर्श नगर) यांच्यासह नितीन श्यामराव महाजन, महेंद्र अशोक भावसार (दोन्ही रा. अयोध्या नगर ) या तिघांना अटक करण्यात आली. दोन लाख रूपये किंमतीची देशी विदेशी दारू आणि तीन लाखाची कार असा हा ५ लाखांचा मुद्देमाल जप्त करण्यात आला
स्थानिक गुन्हे शाखेचे पोलीस निरीक्षक बापू रोहम यांच्या मार्गदर्शनखाली पोहेकॉ राजेश मेढे, संजय हिवरकर, सुनिल दमोदरे, रविंद्र घुगे, किरण धनगर, प्रमोद लाडवंजारी, दर्शन ढाकणे, महिला पोलीस कर्मचारी वाहिदा तडवी, चालक रमेश जाधव, अशोक महाजन यांनी ही कारवाई केली.
कोणत्याही टिप्पण्‍या नाहीत:
टिप्पणी पोस्ट करा