शिरपूर प्रतिनिधी:देशात आणि राज्यात कोरोना या साथीच्या आजाराचा प्रचंड वेगाने प्रसाद सुरू झाल्यामुळे राज्यासह संपूर्ण देशात लॉक डाऊन घोषित झाले आहे सुदैवाने आज पर्यंत तरी धुळे जिल्ह्यात एकही कोरोणा बाधित रुग्ण सापडला नाही यासाठी तालुक्यातील सर्वच विभाग शर्तीचे प्रयत्न करत असून कोरोना सारख्या भयंकर आजारापासून जिल्हा आणि तालुक्याला वाचवण्यासाठी सर्व सरकारी यंत्रणा रात्र आणि दिवस कार्यरत आहेत.
शिरपूर तालुक्यात देखील नागरिकांच्या या आजरापासून बचाव करण्यासाठी सुरुवातीपासून आजपर्यंत अनेक उपायोजना प्रशासन राबवत आहे. वारंवार लोकांना शासन नियमांचे पालन करून घरात रहा सुरक्षित रहा अशा प्रकारचे आवाहन करण्यात येऊन समजण्यात येत आहे. प्रसंगी कठोर निर्णय देखील घेतले जात आहे. आता पुढच्या सीमावर्ती भागात शेंधवा गावात 12 कोरोना रुग्ण आढळल्याने शिरपूर तालुक्यास धोका वाढला असून यापुढे तालुका वासीयांना अधिक ची काळजी घेणे गरजेचे आहे. कोरोना विषाणूच्या वाढता संसर्ग लक्षात घेऊन जनतेची जीवनावश्यक बाबींच्या अडचणी होऊ नये याकरिता जिल्हा आणि स्थानिक स्वराज्य संस्थांतर्फे प्रत्येक विभागात दूध भाजीपाला किराणा व इतर जीवनावश्यक वस्तू खरेदी साठी सूट देण्यात आली आहे मात्र या खरेदी च्या नावाखाली दुचाकीवरून फिरणाऱ्याची संख्या वाढत आहे .
त्यामुळे कोरोना विषाणूचा संसर्ग वाढण्याची दाट शक्यता आहे आता तहसीलदार आबा महाजन शिरपूर यांनी आदेश पारित केले आहेत की यापुढे पुढील आदेश होईपर्यंत शिरपूर तालुका परिसरातील व कार्यक्षेत्रातील सर्व पेट्रोल पंप धारकांनी अत्यावश्यक सेवा वगळून अनावश्यक फिरणाऱ्या वाहनांना इंधन पुरवठा करू नये अत्यावश्यक बाबीं तपासूनच इंधन पुरवठा करावा अन्यथा या कामात नियम भंग केल्यास कायदेशीर कारवाही करण्याचा देखील इशारा देण्यात आला आहे
कोणत्याही टिप्पण्‍या नाहीत:
टिप्पणी पोस्ट करा