मंठा जि.जालना..! येथील विवाहित तरुणी वैष्णवी गोरे हिचे निर्घुण हत्या..!

जालना जिल्ह्यातील मंठा तालुक्यात गरीब रिक्षाचालकाची मुलगी वैष्णवी गोरे या तरुणीचा सहा दिवसापूर्वी विवाह झाला होता आणि आणि ती माहेरी आली असता गावातील एक गावगुंड शेख अल्ताफ शेख बाबू याने एकतर्फी प्रेमातून धारदार शस्त्राने या तरुणीवर हल्ला करून तिची निर्घुन पद्धतीने हत्या केली.

तरी सदरील आरोपीला फाशीची शिक्षा देण्यात यावी व तिच्या कुटुंबाला न्याय मिळावा यासाठी अखिल भारतीय महात्मा फुले समता परिषद, शिंदखेडा शहर यांच्या वतीने तहसिलदार साहेबांना मा. जिल्हाध्यक्ष राजेश बागुल यांच्या अध्यक्षतेखाली निवेदन देण्यात आले.

सदरील आरोपी शेख अल्ताफ शेख बाबू यांने केलेल्या अमानुष कृत्याबद्दल त्यास फाशीची शिक्षा मिळावी म्हणून एडवोकेट उज्वल निकम यांची नियुक्ती करून सदर न्यायालयातील प्रक्रिया फास्ट ट्रॅक न्यायालयात निकाली लावून सदर आरोपीला फाशीची शिक्षा व्हावी असे निवेदनाद्वारे सांगण्यात आले.

त्यावेळी सुनील चौधरी (नगरसेवक तसेच कार्याध्यक्ष समता परिषद), बापुसो दिनेश माळी (जिल्हा संघटक), योगेश बागुल (युवा जिल्हाध्यक्ष), चंद्रकांत बैसाणे (जिल्हा युवक संघटक), गणेश खलाणे (शहर अध्यक्ष), प्रांजल विसपुते (शहर उपाध्यक्ष), कैलास वाघ (तालुका सल्लागार), मनोज चौधरी (शहर कार्याध्यक्ष) आदी उपस्थित होते..