शेगांव(शहरं प्रतिनिधी उमेश राजगुरे)शांतता व सलोख्यात उत्सव साजरे करण्याची परंपरा शेगांव शहरात आहे. शेगांवमधे सर्व महापुरुषांची जयंती व विविध उत्सव शांततेत साजरे केले जातात.शांतता, कायदा व सुव्यवस्था अबाधित राखून शेगांवकऱ्यांनी,मंडळांनी गणपती उत्सव,मोहरम शासनाने दिलेल्या नियमांचे काटेकोर पालन करून साजरा करावे व पोलिसांना सहकार्य करावे असे आवाहन बुलढाणा जिल्ह्याचे पोलीस अधीक्षक डॉ.दिलीप पाटील भुजबळ यांनी केले. वर्धमान भवन याठिकाणी शांतता समिती व विविध उत्सव मंडळाच्या पदाधिकाऱ्यांची बैठक संपन्न झाली. यामधे आगामी येणारे गणेश उत्सव, मोहरम साजरा करण्याच्या पार्श्वभूमीवर चर्चा करण्यात आली. गणपती उत्सव कोरोनाच्या पार्श्वभूमीवर शासनाने दिलेल्या नियमांचे काटेकोर पालन करून आरोग्याकडे लक्ष ठेवून कोरोना काळात रक्तदान करुन उत्सव साजरा करा असे आवाहन करण्यात आले.
यासंर्भात शांतता समितीच्या बैठकीत उपस्थित सर्वांना कोरोना परिस्थितीत उत्सव साजरा करण्या बद्दल जिल्हाधिकारी यांच्या आदेशानुसार नियम लागू करण्यात आले आहे त्या नियमांचे पीडीएफ फाईल सर्वांना देण्यात आली. या बैठकीमध्ये पोलीस अधिकारी,गणपती उत्सव मंडळाचे पदाधिकारी, शांतता समितीचे सदस्य व शेगांव येथील अनेक कार्यकर्ते सहभागी झाले होते.
यावेळी जळगाव जामोद मतदार संघाचे आमदार माजी मंत्री डॉ संजय कुटे पत्रकार शेगांव शहर व ग्रामीण पोलीस ठाण्याचे पोलीस कर्मचारी सामाजिक कार्यकर्ते,राजकीय कार्यकर्ते,पंचायत समितीचे सदस्य, ग्रा. पं सदस्य, पोलीस पाटील यांसह विविध उत्सव मंडळांचे सदस्य उपस्थित होते.
कोणत्याही टिप्पण्या नाहीत:
टिप्पणी पोस्ट करा